ޑރ. އިޔާޒް ވިދާޅުވީ، މަގާމުން ވަކިކުރުމާއެކު ވަރަށް ގިނަ ބަޔަކު އެމަނިކުފާނުގެ ބަހެއް ހޯދުމަށް ގުޅަމުންދާ ކަމަށެވެެ.
އަދި އެފަދަ ފަރާތްތަކަށް ދެއްވަން އޮތް ޖަވާބަކީ، ފިރުއައުނާއި މުހާތަބުކޮށް ސިހުރުވެރިން ދިން ޖަވާބުކަމަށް ޑރ، އިޔާޒް ވިދާޅުވިއެވެ.
ޑރ. އިޔާޒް ވިދާޅުވީ، "ތިޔަބައިމީހުންނަށް ހުކުމްކޮށް އަދަބު ދެވޭނީ މިދުނިޔެމަތީގައި ކަމަށާއި، الله އިރާދަކުރެއްވިއްޔާ އެމަނިކުފާނަށް ނިކަމެތި ކަމެއް ނުލިބޭނެ ކަމަށެވެ.
އެމްއެންޔޫއިން މިއަދު ޑރ. އިޔާޒް މަގާމުން ވަކިކުރުމާއެކު އެކަމާމެދު ކަންބޮޑުވުން ފާޅުކޮށް ހޯމް މިނިސްޓަރު އިމްރާން ކުރެއްވި ޓްވީޓެއްގައި ވިދާޅުވީ، ޑރ. އިޔާޒަކީ ރާއްޖޭގެ އިސްލާމީ ޝަހުޝިއްޔަތު ހަރުދަނާކުރުމަށް ދީނީ އިލްމްވެރިއެއްގެ ހައިސިއްޔަތުން ނުހަނު ގިނަ ހިދުމަތް ކުރަައްވާ ބޭފުޅެއް ކަމަށާއި އެމަނިކުފާނާއި މެދު އެމައްސަލާގައި އެޅުއްވި ފިޔަވަޅު އިންސާފުވެރި ނޫންކަމަށެވެ.