މާދަމާ 9:00 ގައި އޮންނާނީ ރައީސް ޔާމީންގެ މައްޗައް އުފުލިފައިވާ ރިޝްވަތު ގަބޫލްކުރުމުގެ ދައުވާއާއި، މަނީ ލޯންޑްރިންގެ ދައުވާގެ އަޑުއެހުމެވެ. 

ފުއްގިރީގެ މުއާމަލާތްތަކުގެ މައްސަލާގައި ޔާމީންގެ އިތުރުން ދައުވާކޮށްފައިވަނީ ކ.މާލެ، މއ.ކުރިކީލަހިޔާ، އަހްމަދު ކްރިކް ރިޒާގެ މައްޗަށާއި، ސަން ކޮންސްޓްރަކްޝަން އެންޑް އިންޖިނިއަރިން ޕްރައިވެޓް ލިމިޓެޑް އަދި ސަން އިންވެސްޓްމަންޓް ޕްރައިވެޓް ލިމިޓެޑްގެ މައްޗަށެވެ.

ފުއްގިރީގައި ރިސޯޓެއް ތަރައްގީކުރުމަށް އެރަށް ކުއްޔަށް ދޫކުރުމަށް ހިންގި މުއާމަލާތުގެ ތެރެއިން މަގާމްގެ ނުފޫޒް ބޭނުންކޮށްގެން އެއިރުގެ ރައީސް ޔާމީން އެއްމިލިއަން އެއްލައްކަ ސަތާރަހާސް ޑޮލަރު ހޯދާފައިވާކަމަށް ވަނީ ތުހުމަތުކޮށްފައެވެ.