އޭޓީއެމް ތެރެއަށް މީދާ ވަދެފައި އޮތި އުތުރުގެ ރަށެއްގައެވެ.
އެރަށުން ވާހަކަ ދެއްކި މީހަކު ނަން ނުޖެހުމަށް އެދި ބުނީ އެރަށު އޭޓީއެމް ތެރޭ މީދަލެއް އޮވެގެން އެތަނަށް ފައިސާ ނަގަން ވަންނަން ނުކެރިގެން އެ އަންހެން ކުއްޖާ އޭނާ އަށް ގުޅި ކަމަށާއި އޭނާ އެތަނަށް ދިޔަ އިރުވެސް މީދާ އޭޓީއެމް ތެރޭ ހެލިފެލިވެ އުޅުނު ކަމަށެވެ.
އިތުރަށް އެމީހާ ބުނީ، މިރޭ އިރު އޮއްސުމުގެ ކުރިން ވެސް އެ އަންހެން ކުއްޖާ އޭޓީ އަމް ދިޔަ ކަމަށާއި ތަންކޮޅެއް ފަހުން ވެސް ދިޔަ އިރު ވެސް މީދާ ނުދާތީ ބިރުން ވަންނަން ނުކެރި ރުފިޔާ ނުނަގައި އަނބުރާ ގެއަށް އަންނަން ޖެހުނު ކަމަށެވެ.
އެރަށުން ވާހަކަ ދެއްކި މީހާ، ބުނީ މިހާރު އެ މީދާ އޭޓީއެމް ތެރެއިން ނެރެފި ކަމަށާއި އިތުރު މީހުން ތަކެއްވެސް އެ މީދާ އޮތް ވާހަކަ އޭނާގެ ގާތުގައި ދެއްކި ކަމަށެވެ. އަދި ގާތްގަނޑަކަށް ތިން ގަޑި އިރާ ކައިރި ވަންދެން މީދާ އޭޓީއެމް ތެރޭ އޮތް ކަމަށް ވެސް އޭނާ ބުންޏެވެ.
އޭޓީއެމް އިން ރުފިޔާ ނުނެގި ގެއަށް ދިޔަ އަންހެން ކުއްޖާއަށް އެންމެ ފަހުން ފައިސާ ނަގައި ދިނީ އެހެން މީހެއް ކަމަށްވެއެވެ.