ކުރީގެ ރައީސް އަބްދުﷲ ޔާމީން ޖަލުގައި ހުންނަވާގޮތާއި މެދު އިދިކޮޅު ފަރާތްތަކުން ހިތްހަމަނުޖެހުން ފާޅުކޮށްފައިވާއިރު، ހޯމް މިނިސްޓަރު އިމްރާން ވަނީ އެކަމާއި ގުޅިގެން މިއަދު ޓްވީޓެއް ކުރައްވާފައެވެ.

އެގޮތުން އިމްރާން ވިދާޅުވެފައިވަނީ، ކުރީގެ ރައީސް ޔާމީން މާފުށީ ޖަލުގައި ހުންނެވީ އެމަނިކުފާނުގެ ވެރިކަމުގައި ކުރީގެ ރައީސް މުހައްމަދު ނަޝީދާއި ކުރީގެ ރައީސް މައުމޫން އަބްދުލްގައްޔޫމް ބަހައްޓާފައިހުރި ތަނުގައި ކަމަށެވެ. އަދި އެތަނަށް ރައީސް ޔާމީން ލާފައިވަނީވެސް އެތަން އިތުރަށް މަރާމާތު ކުރުމަށް ފަހު ކަމަށް ވެސް އިމްރާންގެ ޓްވީޓްގައި ފާހަގަކޮށްފައިވެއެވެ.  

އިމްރާންގެ ޓްވީޓް ރިޓްވީޓް ކުރައްވާ ރައީސް ނަޝީދު ވަނީ، އަނިޔާވެރިކަމާއި ބަދަލުހިފުން އިސްނުކުރާތީ މިނިސްޓަރު އިމްރާނަށް ޝުކުރު އަދާކުރައްވާފައެވެ.