ޖޭ ބުނީ ބައްޕައެއްގެ ރޯލު ރަނގަޅަށް އަދާކުރުމަށް އޭނާ މަސައްކަތް ކުރަމުން އަންނަ ކަމަށާއި އެގޮތުން ދަރިފުޅުގެ ކަންކަން ވެސް ކުރާ ކަމަށެވެ. އެގޮތުން މަސައްކަތްތައް ނިންމާ ގޮތަށް ވަގުތެއް ލިބޭއިރަށް މިހާރު އުޅެނީ ދަރިފުޅާއެކު ކަމަށް ވެސް ބުނެ އެވެ. 

އޭގެ އިތުރުން ޖޭ އާއި މާހީއަށް ދަރިއަކު ލިބުމުގެ ކުރިން އެމީހުން ވަނީ އަންހެން ކުއްޖަކާއި ފިރިހެން ކުއްޖަކު އެޑޮޕްޓް ވެސް ކޮށްފަ އެވެ. އެގޮތުން ޖޭ ވަނީ އެ ކުދިންނަށް ފިލާވަޅުތައް ނިންމައިދިނުމުގައި އެހީތެރިވެ ކުދިންނާއެކު ކާޓޫނު ބަލާލުމުގައި ވެސް ވަގުތު ހޭދަކުރާ ކަމަށް ބުނެފަ އެވެ.

ނަޗް ބަލިޔޭ ފަހެއް ކާމިޔާބު ކުރި މާހީ އާއި ޖޭއަކީ އާންމުންގެ މެދުގައި ވެސް މަގްބޫލު ޖޯޑެކެވެ. ޖޭ ވަނީ ފިލްމުތަކާއި ޓީވީ ޝޯތަކުގެ އިތުރުން ބައެއް ޝޯތައް ވެސް ހުށަހަޅަމުން އަންނަ ތަރިއެކެވެ.