އެމްޑީޕީގެ ޗެއަރޕަރސަންކަމުގެ މަގާމަށް ވާދަކުރައްވާ މާފަންނު އުތުރު ދާއިރާގެ ރައްޔިތުންގެ މަޖިލީހުގެ މެންބަރު އިމްތިޔާޒް ފަހުމީގެ ކެމްޕެއިން ސްލޯގަންއަކީ "ތިލަފަތުގެ ރަމްޒު" އެވެ. އިންތިގެ ކެމްޕެއިން ސްލޯގަންއަށް ފާޑު ވިދާޅުވެ ބާރަށު ދާއިރާގެ މެންބަރު އަހްމަދު ޢަބްދުﷲ ކުރެއްވި ޓްވީޓެއްގައި މިއަދު ވިދާޅުވީ ތިލަފަތަކީ އެއްވެސް މީހެއްގެ ރަމްޒެއް ނޫން ކަމަށެވެ.
އެމްޑީޕީގެ ޗެއަރޕަރސަން ކަމުގެ އިންތިހާބުގެ ފޯރި ގަދަވެފައިވާއިރު، މެންބަރު އަހްމަދު ޢަބްދުﷲ ހުންނެވީ އިމްތިޒާޔާ ވާދަކުރައްވާ، އިކޮނޮކިމް މިނިސްޓަރ ފައްޔާޒް އިސްމާއީލުގެ ކޭމްޕުގައެވެ. ދެ ކޭމްޕުގެ ފޯރި އިންތިހާއަށް ގަދަވެފައިވާ އިންތިހާބު އޮންނާނީ މި މަހުގެ ސާދަވަނަ ދުވަހުއެވެ.
އަހްމަދު ޢަބްދުﷲ އާއި އިމްތިޔާޒް ފަހުމީ އަކީ މިހާރު ހިނގަމުންދާ ނަވާރަވަނަ މަޖިލީހުގެ އިތުރުން ސަތާރަވަނަ މަޖިލީހުގައިވެސް އެކުގައި މަސައްކަތް ކުރެއްވި ދެ މެންބަރުންނެވެ.
