މައުލޫމާތު ލިބިފައިވާ ގޮތުގައި މުބާރާތް ނިމެންދެން ޖޫނިއާ ޓީމު ތިބޭނީ ކޭމްޕުގައެވެ. މިއީ މި ގޮތަށް މުބާރާތަކަށް ޓީޓީ ޓީމު މާލޭގައި ކޭމްޕު ކުރި ފުރަތަމަ ފަހަރުކަމަށްވެސް މައުލޫމާތު ލިބިފައިވެއެވެ.
މި މަހުގެ ނުވަވަނަ ދުވަހު މާލޭގައި ފަށާ ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕްގައި ރާއްޖޭގެ އިތުރުން ދެން ވާދަކުރާނީ އިންޑިއާ، ސްރީ ލަންކާ، ނޭޕާލް، ބޫޓާން ބަންގްލަދޭޝް އަދި ޕާކިސްތާން އެވެ.
މި މުބާރާތުގައި ވާދަކުރާ ދިވެހި ޖޫނިއާ ފިރިހެން ޓީމުގައި ހިމެނެނީ މުހައްމަދު ތާބިން ސުޖާއު، އިބްރާހިމް އައުޒަމް އަޒީމް، ޒީކް ހަސަން ލަތީފް އަދި އުމީރް މުހައްމަދު މުއިއްޒު އެވެ. އަންހެން ޓީމުގައި ހިމެނެނީ ފާތިމަތު ދީމާ އަލީ، އައިޝަތު ރަފާ ނާޒިމް، މިޝްކާ މުހައްމަދު އިބްރާހިމް، މަލާކް ބިންތި މުއިއްޒު އެވެ. ދިވެހި ޓީމުގެ ކޯޗަކީ ގްރީސްގެ ކޮންސްޓަންޓީނޯސް ކޮސްޓޮޕޮލޮސްއެވެ.
