މުލީ ހޮސްޕިޓަލް——ފޮޓޯ:އަހްމަދު ސާކިފް/ސީއެންއެމް
ދެ ދޯނި ދޭތެރޭ ފިތިގެން ދިވެއްސަކު މަރުވެއްޖެ
ފާތިމަތު އަހްމަދު ޝަރީފް
10 މޭ 2022 - 19:15:44
ދެ ދޯނި ދޭތެރޭ ފިތިގެން ދިވެހި ފިރިހެނަކު މަރުވެއްޖެ އެވެ.
Advertisement
މި ހާދިސާ ހިނގާފައިވަނީ މ. އަތޮޅު ކޮޅުފުށީ ކައިރީގައި ދެ ދޯންޏެއް ކައިރިކޮށްގެން އުޅެނިކޮށް މިއަދު ހަވީރު 16:41 ހާއިރު އެވެ.
މުލީ ރީޖަނަލް ހޮސްޕިޓަލުން ބުނީ އެމީހާއަށް ފަރުވާދޭން ހޮސްޕިޓަލަށް ގެނައި އިރުވެސް އޮތީ މަރުވެފައި ކަމަށެވެ.
"ސީއެންއެމް"އާއި އެރަށުން ވާހަކަދެއްކި ފަރާތުން ބުނިގޮތުގައި މަރުވެފައިވަނީ ބ.އަތޮޅު ހިތާދޫއަށް ނިސްބަތްވާ އުމުރުން 60 އަހަރުގެ އަބްދުﷲ އަހްމަދު ނަމަކަށް ކިޔާ މީހެކެވެ. އެ ހާދިސާ ހިނގުމާއިއެކު ދެދޯނި ދޭތެރެއިން ނެގިއިރުވެސް އަބްދުﷲ މިދުނިޔެއާއި ވަކިވެއްޖެ އެވެ.
އެއީ މާލެއިން މުދާ ހިފައިގެން ދަތުރު ކުރަމުންދިޔަ ދެ ދޯނި ކަމަށާއި، އެ ހާދިސާ ހިނގީ ކޮޅުފުށީ ކައިރި އޮންނަ ފަޅު ރަށެއް ކަމަށް ތުވަރުގައި މަޑުކުރަން ދެދޯނި ބަނދަރުގައި އަޅަން އުޅެނިކޮށް ކަމަށް އޭނާ ބުންޏެވެ.
0%
ކަމުގޮސްފި
43%
އަޑުއެހިތާ މިހުރީ
57%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
