ރައީސް އިބްރާހިމް މުހައްމަމަދު ސޯލިހު މިއަދު ވަނީ ނޫސްވެރިންނާ ބައްދަލުކުރައްވައި ކުރިއަށް އޮތް ރިޔާސީ އިންތިހާބަށް ވާދަކުރައްވާނެ ކަމުގެ އިޝާރާތެއް ކުރައްވާފަ އެވެ.
މިކަމަށް ރައްދުދެއްވައި ރައީސް ނަޝީދު ޓުވިޓާގައި ވިދާޅުވީ މީ ވެރިކަމަށް ފައިނަގަންވީ ވަގުތު ނޫން ކަމަށެވެ.
ރައީސް ނަޝީދުގެ މެސެޖުގައި ވިދާޅުވެފައިވަނީ މީ ބޭރު ފައިސާގެ ރިޒާވް ރަނގަޅުކޮށް ރައްޔިތުންގެ ސަލާމަތްތެރިކަން ދެމެހެއްޓޭނެ ގޮތަކާއިމެދު ވިސްނާ މަގަށް އަޅުވަންވީ ވަގުތު ކަމަށެވެ.
ރައީސް މިއަދުވަނީ ގައުމުގެ ދަރަނީގެ ވާހަކަ ނޫސްވެރިންނާ ހިއްސާކުރައްވާފަ އެވެ. ވިދާޅުވީ
ދަރަނި ދެއްކުމުގައި ބޮޑު ގޮންޖެހުމެއް އޮތްކަމަށް ނުފެންނަ ކަމަށެވެ.
އެގޮތުން އެ ޔަގީންކަން ދެއްވަނީ ސޮވެރިން ގެރެންޓީ ފަންޑަށް އެކަށީގެންވާ ފައިސާ ލަމުން އަންނާތީކަމަސް ރައީސް ވިދާޅުވިއެވެ.
އެމަނިކުފާނު ވިދާޅުވީ މިހާރު ވެސް އެ ފަންޑުގައި ހަތަރު ބިލިއަން ރުފިޔާ އެބަހުރިކަމަށެވެ. އަދި ރާއްޖެއިން ދެން ބޮޑު އަދަދެއްގެ ފައިސާ ދައްކަން ޖެހޭނީ 2026 ވަނަ އަހަރުކަމަށާއި، އެއީ 600 މިލިއަން ޑޮލަރުކަމަށް ވިދާޅުވިއެވެ.
