ކަސްޓަމްސް އިން ބުނީ އިންޑިއާއިން ރާއްޖެއަށް އެތެރެ ކުރި ކޮންޓެއިނަރަކުން ފެނިފައި ވަނީ ހަތަރު މިލިއަން ރުފިޔާގެ މަސްތުވާތަކެތީގެ ބާވަތްތައް ކަމަށެވެ.
އިންޑިޔާއިން ރާއްޖެ އެތެރެކުރި މި ކޮންޓެއިނާގައި ދެ ޕެލެޓް މަސްތުވާތަކެތި ހުރިއިރު ކޮންޓެއިނަރު އެތެރެ ކޮށްފައި ވަނީ ޓޮމާޓޯ ޕޭސްޓް އާއި ދަޅު ކާނާގެ ގޮތުގައި ކަމަށް ކަސްޓަމްސް އިން ކުރިން ވަނީ ބުނެފަ އެވެ.
މިތަކެތި ކަސްޓަމްސް އިން އަތުލައިގަނެފައިވަނީ މޯލްޑިވްސް ޕޮލިސް ސާވިސް އާއެކު ހިންގި ހާއްސަ އޮޕަރޭޝަނެއްްގެ ތެރެއިން މުދާ ޝިޕްމަންޓެއް ބަލާ ފާސްކޮށްގެންނެވެ.
މި ކޮންޓެއިނާ ރާއްޖެ އެތެރެކޮށްފައިވަނީ އިންޑިޔާގެ ޓުޓިކޮރިންއިން ކަނޑުމަގުނެވެ.
ކަސްޓަމްސް އިން ބުނީ މި އޮޕަރޭޝަންގައި މަސްތުވާތަކެތީގެ ބާވަތެއް ކަމަށްވާ ހަޝިޝް އޮއިލްގެ 15.5 ކިލޯ އަތުލައިގަނެފައި ވެއެވެ. އެއީ މަގުމަތީގެ އަގުންނަމަ ހަތަރު މިލިއަން ރުފިޔާގެ އަގެކެވެ.