ހޯދަމުންދަނީ އުމުރުން 28 އަހަރުގެ ހެނބަދޫ އަށް ނިސްބަތްވާ އެ ރަށު ކުންނާރުގެ، އިބްރާހީމް ރާމިޒް ނަމަކަށް ކިޔާ މީހެކެވެ.
"ސީއެންއެމް" އަށް މައުލޫމާތު ދެއްވަމުން ހެނބަދޫ ކައުންސިލްގެ ރައީސް ހުސެއިން އަބޫބަކުރު މިއަދު ވިދާޅުވީ ގެއްލިގެން އުޅޭ ރަމީޒް އިއްޔެގެ ވަގުތެއްގައި އޭނާ އެކަނި ކެނޯ އެއްގައި ކަނޑުމައްޗަށް ނުކުތީކަމަށް ބެލެވޭ ކަމަށް އޭނާގެ ބައްޕަ މައުލޫމާތު ދީފައިވާ ކަމަށެވެ.
އަބޫބަކުރު ވިދާޅުވީ ރަމީޒް ހޯދުމުގެ މަސައްކަތް އެމްއެންޑީއެފް ކޯސްޓުގާޑާއި ފުލުހުންވެސް ކުރަމުން އަންނަ ކަމުގެ މައުލޫމާތު ކައުންސިލަށް ލިބިފައިވާ ކަމަށެވެ.
އަބޫބަކުރު ވިދާޅުވީ ހެނބަދޫ އަކީ ޖަންގަލި ވާ އޮންނަ ރަށެއް ނޫން ކަމަށާއި، އެހެން ކަމުން ރަމީޒް ހޯދުމުގެ މަސައްކަތުގައި މުޅި ރަށް އެއްކޮށް މިހާރު ބަލައިފައިވާ ކަމަށެވެ. އަދި ވިދާޅުވީ އޭނާ ހޯދުމަށް އަދިވެސް މަސައްކަތް ކުރަމުން ގެންދާނެ ކަމަށެވެ.
ފުލުހުން އޭނާ ހޯދަން އިއުލާންކޮށް ބުނެފައިވަނީ، ވީނުވީއެއް ނޭނގި އޭނާ ގެއްލިގެން ހޯދަމުންދާކަމުގެ ރިޕޯޓު ފުލުހުންނަށް ލިބުނީ ރޭގެ ވަގުތެއްގައި ކަމަށެވެ.
އިބްރާހީމް ރާމިޒް އެންމެ ފަހުން ފެނިފައިވަނީ އިއްޔެ ހެނދުނުގެ ވަގުތެއްގަ އެވެ. ފެނުނުއިރު ލައިގެންހުރީ އަޅިކުލައިގެ ޓީޝާޓަކާއި ނޫކުލައިގެ ސޯޓެކެވެ.
ނ.ހެނބަދޫ
އަބޫބަކުރު ވިދާޅުވީ ގެއްލިގެން އުޅޭ ރަމީޒަކީ ހެނބަދޫގައި ދިރިއުޅެމުންދާ މީހެއް ނޫން ކަމަށާއި، ދެކުނު ރަށެއްގައި ދިރިއުޅުމެއް ފަށައިގެން ވަޒީފާ އަދާކުރަމުން އަންނަ މީހެއް ކަމަށެވެ. އަދި ވިދާޅުވީ ރަމީޒް ގެއްލިފައިވަނީ ހެނބަދޫއަށް އައިތާ ދެތިން ދުވަހެއް ފަހުން ކަމަށެވެ.
ހެނބަދޫ އަކީ އާބާދީގައި ގާތްގަނޑަކަށް 780 އެއްހާ މީހުން ދިރިއުޅެމުން އަންނަ ރަށެކެވެ.
