ފަޅައިގެން ދިޔައީ "އެރުވީނާ އަލޯހާ" ނަމަކަށް ކިޔާ ލޯންޗެކެވެ. ފަޅަައިގެން ދިޔައިރު ލޯންޗު ދަތުރުކުރަމުންދިޔައީ މާލެއިން ފުރާގެން އއ. އަތޮޅަށެވެ.
އެމްއެންޑީއެފުން ބުނީ، ލޯންޗު ފަޅައިގެންދިޔައީ، އަލިހުރަސް ކަނޑުން ލަކުޑި ގަނޑެއްގައި ޖެހިގެން ކަމަށެވެ. ލަކުޑިގަޑުގައި ޖެހި ލޯންޗުގެ ހަލްގަނޑު ތިރިން ފަޅައިގެން ގޮސް ލޯންޗު ދިޔަވާން ފެށުމުން، އެކަމުގެ މައުލޫމާތު އެމްއެންޑީއެފް ކޯސްޓްގާޑު ސެކަންޑް ސްކޮޑްރަންއަށް ލިބުނީ މިއަދު 15:59 ހާއިރު އެވެ.
އަދި، އެ ލޯންޗުން ދަތުރުކުރި 45 މީހުން މެރީން ޕޮލިހާއި "ހަލްޔާޑް" ނަމަކަށް ކިޔާ ލޯންޗެއްގެ އެހީތެރިކަމާއެކު، މިހާރު ވަނީ މާލެއަށް ގެނެސްފަ އެވެ.
ފަޅަައިގެންދިޔަ ލޯންޗު ކޯސްޓްގާޑް ސެކަންޑް ސްކޮޑްރަންގެ އެހީތެރިކަމާއިއެކު މިހާރު ވަނީ މަރާމާތުކުރުމަށް ގިރާވަރުން ތިލަފުށްޓަށް ގެންގޮސްދީފަ އެވެ.
ލޯންޗު މަރާމާތު ކުރުމަށް މިހާރު ވަނީ ގެންގޮސްފަ
މި ހާދިސާގައި ލޯންޗުން ދަތުރުކުރި އެންމެންގެ ހާލު ވެސް ރަނގަޅު ކަމަށް އެމްއެންޑީއެފުން ބުންޏެވެ.
