ހ. ޝީރީންވިލާގައި މަރާލި އުމުރުން 22 އަހަރުގެ ޝިއާއުގެ ކަރުގެ އިތުރުން ހަތަރެސް ފައިވެސް ބުރިކޮށްލާފައި ވާ ކަމަށް މައުލޫމާތު ލިބެއެވެ. މި މައްސަލަ އާއި، އޭނާގެ ލޯބިވެރިޔާ ކަމަށް ބުނާ، އަލީ ޝާހިލް ހައްޔަރުކުރީ ހާދިސާ ހިނގި ސަރަހައްދުން ނެވެ. އޭނާ ހައްޔަރު ކުރިއިރު ހުރީ މަސްތުގެ ހާލުގައި ކަމަށް ފުލުހުން ބުންޏެވެ.
"ސީއެންއެމް" އަށް މިއަދު ދެއްވި ހާއްސަ އިންޓަވިއުއެއްގައި ސާހިލްގެ ބައްޕަ ފ. ނިލަންދޫ ފިނިފެންމާގެ އިބްރާހިމް ނަސީމް ބުނީ ސާހިލް އަކީ އޭނާ އެންމެ ލޯބިވާ އެއް ދަރިފުޅު ކަމަށެވެ. ނަމަވެސް ގަސްތުގައި މީހަކު މަރައިފި ނަމަ އެކަމަކަށް ދޭންޖެހޭ ހައްގު އަދަބު އިސްލާމީ ޝަރީއަތާއި އެއްގޮތަށް ދިނުމަށް ސަރުކާރަށް ގޮވާލާ ކަމަށް ނަސީމް ބުންޏެވެ.
ނަސީމް ބުނީ މަރުގެ މައްސަލަ އާއި ގުޅިގެން ސާހިލް ހައްޔަރު ކުރި ހިސާބުން އެ ހަބަރު ލިބުމާއެކު އެދަރިފުޅަށް ކުރި އުންމީދު މުޅިން ގެއްލި މާޔޫސްވެއްޖެ ކަމަށެވެ. އަދި މިފަދަ ހިތާމަ އެއް ލިބުމަށްވުރެ ބޮޑަށް ދެރަވީ އިންސާނެއްގެ ފުރާނަ ގަސްތުގައި އަނިޔާވެރި ގޮތަކަށް މަރާލާފައި ވުމުން ކަމަށެވެ.
ޝާހިލު އަންހެން ކުއްޖާ މަރާލި ކަމަށް ބުނާ އެޕާޓްމަންޓް ސަރަހައްދު ފުލުހުން ބަންދު ކޮށްފައި--
ނަސީމް ވަނީ ސާހިލް ބައެއް ވާހަތައްވެސް ސީއެންއެމްގެ ނިއުސް ޓީމާއި ހިއްސާކޮށްފަ އެވެ. އެގޮތުން ސާހިލްގެ އުމުރުން ހަތް އަހަރުގައި އުސް އިމާރާތަކުން ވެއްޓި އޭޑީކޭ ހޮސްޕިޓަލުގައި ފަރުވާ ދީފައިވާ ކަމަށާއި، ޑޮކްޓަރުން ސާހިލް އަކީ ސިކުޑީގައި އުނިކަމެއް ހުންނަ ކުއްޖެއް ކަމުގައިވެސް ފާހަގަ ކުރެއްވި އެވެ. ނަމަވެސް މިހާރު ސާހިލް އަކީ ސިކުޑީގެ އުނިކަން ހުންނަ ކުއްޖެއްގެ ގޮތުގައި ފާހަގަ ނުކުރެވޭ ކަމަށްވެސް ނަސީމް ބުންޏެވެ.
ފުލުހުން ޝީރީންވިލާގެ ބޭރުގައި ހަރަކާތްތެރި ވަނީ: ފޮޓޯ---މިހާރު
ސާހިލްގެ އުޅުމާއި އަހުލާގާއި ބެހޭގޮތުން ނަސީމް ބުނީ އެއީ ވަރަށް މަޑުމައިތިރި ކުއްޖެއް ކަމަށެވެ. އަދި މިހާތަނަށް އާއިލާގެ މީހަކާއިވެސް އަދި އެހެން ފަރާތަކާއިވެސް މައްސަލައެއް ޖެހިގެން ޒުވާބުކޮށް މައްސަލަތަކެއް ޖެހިފައި އޮތްކަމެއްވެސް ނެތް ކަމަށެވެ.
މަރުގެ އަބަދު ތަންފީޒް ކުރުމާއި ގުޅޭގޮތުން ނަސީމް ބުނީ މަރުގެ ހުކުމް ތަމްފީޒްކޮށްދީފިނަމަ މި ގައުމުގައި މިފަދަ ނުބައި އަމަލުތައް ކުރުން ވަގުތުން ހުއްޓުވޭނެ ކަމަށެވެ. އަދި އެއީ އިސްލާމީ ޝަރީއަތުގައިވެސް އަހަރުމެން ކަން ކުރަންވީގޮތް އަންގާފައިވާ ގޮތް ކަމަށެވެ.
