މިކަމާއި ގުޅިގެން މޯލްޑިވިއަން ބުނެފައިވަނީ އެފްއޭއެމުން މޯލްޑިވިއަންއަށް ދައްކަން ޖެހޭ ގިނަ އަދަދެއްގެ ފައިސާ ނުދައްކާ ހުރުމުގެ ސަބަބުން، އެފްއޭއެމަށް ދެން ކްރެޑިޓަށް ޓިކެޓް ދޫނުކުރަން އެ ކުންފުނީގެ މެނޭޖްމެންޓުން ނިންމާފައިވާ ކަމަށެވެ. އެފްއޭއެމާއެކު އެހެން ބައެއް ފަރާތްތަކަށްވެސް ކްރެޑިޓަށް ޓިކެޓް ނުވިއްކަން މޯލްޑިވިއަނުންވަނީ ނިންމާފައެވެ.
މީގެ އިތުރުން އެފްއޭއެމްގެ މުވައްޒަފުންނަށް މުސާރަ ނުދޭ މައްސަލަ ޖެހިފައިވަނިކޮށް ގައުމީ ޓީމުގެ ކުރީގެ ކޯޗާއި އެސިސްޓެންޓް ކޯޗަށް ދޭން ޖެހޭ ފައިސާ ނުދީގެން ފީފާއިންވަނީ ކޯޗާ އެސިސްޓެންޓް ކޯޗަށް އެފްއޭއެމަށް ފައިސާ ދައްކަން އަންގާފައެވެ.
އެފްއޭއެމްގެ ފައިސާގެ ބޮޑެތި މައްސަލަތަކެއް ފެންމަތިވެފައިވާއިރު، އެމްއެމްޕީއާރުސީގެ ޚިޔާނާތުގެ ރިޕޯޓުން އެނގޭ ގޮތުގައި އެފްއޭއެމަކީ އެ ޚިޔާނާތާ ގުޅޭ އެތައް ކަމެއް ހިނގާފައިވާ ޚިޔާނާތުގެ ހާއްޔެކެވެ.