މައުލޫމާތު ލިބިފައިވާ ގޮތުގައި ޖޭޕީގެ ކޮންގްރެސް އަންނަ ޑިސެމްބަރުގައި ބޭއްވުމަށް ވާން ޖެހޭ މުހިންމު ތައްޔާރީތައް އެ ޕާޓީގެ ސެކްރެޓޭރިއޭޓުން މިހާރުވަނީ ފާށާފައެވެ. ފަށާފައިވާ ކަމަށެވެ. މި ގޮތުން ކޮންގްރެސް އަށް ތައްޔާރުވުމުގެ ގޮތުން ކުރަންޖެހޭ އެންމެ މުހިންމު އެއް މަސައްކަތް ކަމަށްވާ، ޕާޓީގެ ރަށު ގޮފިތައް އަސާސީ ގަވާއިދާ އެއްގޮތަށް އެކުލަވާލައި، ފުރިހަމަ ކުރުމަށް ވަގުތީ ކޮމެޓީއެއް ޖޭޕީން މިހާރުވަނީ އުފައްދާފައެވެ.

ސިޔާސީ ގޮތުން ޖޭޕީން ނިންމާ މުހިންމު ނިންމުންތަކަށް ކޮށާލެވޭ މަގަކަށް އެ ކޮންގްރެސް ވާނެ ކަމަށް ޖޭޕީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމް ވަނީ ވިދާޅުވެފަ އެވެ. އަދި ގާސިމް ވަނީ އަންނަ އަހަރު ބާއްވާ ރިޔާސީ އިންތިހާބަށް ޖޭޕީގެ ފަރާތުން ކެންޑިޑޭޓަކު ނެރޭނެ ކަމަށް ވެސް ވިދާޅުވެފަ އެވެ.