މައުލޫމާތު ލިބިފައިވާ ގޮތުގައި ހެލްތު މިނިސްޓްރީއާއި އެސްޓީއޯއާއެކު ސޮއި ކުރެވުނު އެއްބަސްވުމުގެ ދަށުން 11 ރަށެއްގެ ހެލްތު ސެންޓަރު އިމާރާތުގެ އެތެރޭގައި ހުރި ފާމަސީތައް ނަގައި، އާ ފާމަސީތައް ހެލްތު ސެންޓަރުގެ ގޯތިތެރޭގައި ގާއިމުކުރާނެއެވެ. މި އެއްބަސްވުމުގައި ހެލްތު މިނިސްޓްރީގެ ފަރާތުން މިކަމުގެ އެއްބަސްވުމުގައި ސޮއިކުރެއްވީ، ސީނިއަރ އެގްޒެކެޓިވް ޑިރެކްޓަރ ޢަބްދުލް ހަންނާނު ހުސެއިނެވެ. އަދި އެސްޓީއޯގެ ފަރާތުން ސޮއިކުރެއްވީ އެކުންފުނީގެ ޖެނެރަލް މެނޭޖަރ، ބިޒްނަސް ރިސަރޗް އެންޑް ޕްރޮޕަޓީ މެނޭޖްމަންޓް މުހައްމަދު އިހްސާން ވަހީދެވެ.

އެސްޓީއޯއާއެކު ވެވުނު އެއްބަސްވުމުގެ ދަށުން ފާމަސީ ތަރައްގީކުރުމަށް ހަމަޖެހިފައިވާ ރަށްތަކަކީ އުތުރުން ހއ. ތުރާކުނު، ހއ. ތަކަންދޫ، ނ. ލަންދޫ، ބ. ދޮންފަނު، އަދި މެދު ރާއްޖެތެރެއިން އދ. ދިގުރަށް، މ. މަޑުއްވަރި، މ. ކޮޅުފުށި، މ. ރަތްމަންދޫ،  އަދި ދެކުނުން ތ. އޮމަދޫ، ގއ. ކަނޑުހުޅުދޫ އަދި ގއ. ކޮލަމާފުށްޓެވެ.

މި މަސައްކަތް ކުރިއަށް އޮތް 4 މަސް ދުވަހުގެ ތެރޭގައި ނިންމަން އެސްޓީއޯއިންވަނީ ޓާގެޓްކޮށްފައެވެ.