މިރޭ 19:55 ހާއިރު ހިނގި މި އެކްސިޑެންޓުގައި އަނިޔާވި ހަތަރު މީހުންގެ ތެރެއިން ދެ މީހަކަށް ޓްރީޓޮޕް ހޮސްޕިޓަލުގައި ފަރުވާދެމުންދާއިރު، އަނެއް ދެމީހުންނަށް ހުޅުމާލެ ހޮސްޕިޓަލުގައި ދަނީ ފަރުވާދެމުން ނެވެ.

މިކަމާއި ގުޅިގެން ފުލުހުން ބުނީ، އަނިޔާވި ހަތަރު މީހުންނަކީވެސް ޑިންގީގައި ތިބި މީހުން ކަމަށެވެ. އެއީ ދިވެހި ދެ ފިރިހެނަކާއި، ބިދޭސީ ފިރިހެނެއްގެ އިތުރުން ބިދޭސީ އަންހެނެކެވެ. 

އެ ހާދިސާގައި ޑިންގީއަށް ވަނީ ބޮޑެތި ގެއްލުންތަކެއްވެ، ޑިންގީގެ ކުރީކޮޅު ފަަޅަފަޅައިގެން ގޮސްފަ އެވެ.

މިދިޔަ މެއި މަހު ގއ. ވިލިގިލީ ފަޅަށް ވަންނަން އުޅުނު ލޯންޗެއް ނެރުގައިޖެހި ހިނގި ނުރައްކާތެރި ހާދިސާގައި ވެސް ވަނީ، ފަސް މީހަކަށް ސީރިއަސް ޒަހަމުތަކެއް ލިބިފައެވެ. އެ ހާދިސާގައި އޭގެތެރެއިން ދެމީހަކު ވަނީ މަރުވެފައެވެ.