ޖެންޑާ މިނިސްޓްރީން މިއަދު އާންމުކުރި އޮގަސްޓް މަހުގެ ތަފާސް ހިސާބުތަކުން ދައްކާ ގޮތުން މި އަހަރުގެ އޮގަސްޓް މަހު 248 މައްސަލައެއް ރިޕޯޓުކޮށްފައިވާއިރު އެންމެ ގިނައީ ކުޑަކުދިންނަށް ކުރާ އެކި ބާވަތުގެ އަނިޔާތަކުގެ މައްސަލަތަކެވެ. އޭގެ ތެރޭގައި ޖިންސީ ހާނިއްކައިގެ މައްސަލަތައްވެސް ހިމެނެއެވެ.

ކުޑަކުދިންގެ މައްސަލަތަކުގެ ތެރޭގައި އިހުމާލުވުމުގެ 33 މައްސަލަ، ޖިންސީ ހާނިކައިގެ 24 މައްސަލަ، ޖިސްމާނީ ހާނިކައިގެ 15 މައްސަލަ އަދި ގެވެށި އަނިޔާގެ އަމަލެއް ކުރާތަން ކުއްޖަކަށް ދެއްކުން ނުވަތަ ފެނުންމުގެ 11 މައްސަލަ ހިމެނެއެވެ. މީގެ އިތުރުން ނަފްސާނީ ހާނިކައިގެ 6 މައްސަލައާ އެހެން ކުދިންގެ ފަރާތުން ގަނާ ލިބުމުގެ 4 މައްސަލަ އަދި ބްލެކްމެއިލް ކުރުމުގެ 2 މައްސަލަ ހިމެނެއެވެ.