މިއަޑު ފެތުރިފައިވަނީ ކްރިސްޓިއާނޯ ރޮނާލްޑޯ އަރިބި ޖުއްބާއެއް ލައިގެން ބަޔަކާއެކު ފޮޓޯ ނަގާފައިވާ ފޮޓޯއަކާއި ޝަހާދަތުދެ ދެކަލިމަ ހިފައިގެން ހުރި ފޮޓޯއަކާއި އަދި ހަތިމެއް ހިފައިގެން ހިރި ފޮޓޯއަކާއެކު ހަދާފައިވާ ޕޯސްޓަކާއެކު އޭނާ އިސްލާމްވެއްޖެ ކަމަށްބުނެ މީސްމީޑިއާގައި ބަޔަކު އަޑުފެތުރުމުންނެވެ.
ރޮނާލްޑޯ އިސްލާމްވިކަމަށް ބުނެ ފަތުރާ ފޮޓޯ
މި ތިން ފޮޓޯގެ ހަގީގަތަކީ ކޮބާ؟
މިތަނުން ފެންނަ ފުރަތަމަ ފޮޓޯއަކީ 2014 ވަނައަހަރު އޭނާގެ އެއްބަނޑުއެއްބަފާ ބޭބެމެންނާއެކު ނަގާފައިވާ ފޮޓޯއެކެވެ.
ކްރިސްޓިއާނޯ ރޮނާލްޑޯ އަރަބި ހެދުމެއްގައި:
ދެވަނަ ފޮޓޯއިން ޝަހާދަތުގެ ދެ ކަލިމަ ހިފައިގެން ރޮނާލްޑޯ ހުއްޓާ ފެންނަ ފޮޓޯއަކީ ފޮޓޯޝޮޕްކޮށް އެޑިޓްކޮށްފައިވާ ފޮޓޯއެކެެކެވެ.
ރޮނާލްޑޯ ޝަހާދަތުގެ ދެކަލިމަ ހިފައިގެން ހުރި ފޮޓޯ:
ތިންވަނައަށް އެ ޕޯސްޓުގައިވާ ފޮޓޯގައި ރޮނާލްޑޯ ހަތިމެއް ހިފައިގެން ހުރިއިރު އެ ފޮޓޯއަކީ 2013 ވަނަ އަހަރު މޯބައިލް ފޯނު ވިއްކާ ކުންފުންޏެއްގެ ވެރިއެއް ރޮނާލްޑޯއަށް ދިން ހަދިޔާއެކެވެ.
ރޮނާލްޑޯ ހަގީގަތުގައި ވެސް އިސްލާމްވީތަ؟
އެއްވެސް ރަސްމީ މަސްދަރަކުން ރޮނާލްޑޯ އިސްލާމްވިކަން ކަށަވަރެއް ނުކޮށްދެއެވެ. ނަަމަވެސް ރޮނާލްޑޯއަކީ އަބަދު ވެސް އިސްލާމްދީނާއި މުސްލިމުން އަދި އަރަބިންދެކެ ލޯބިވާ އަދި ވަރަށް ގާތްކަމެއް ބާއްވާ މީހެކެވެ. ނަމަވެސް ރޮނާލްޑޯ އިސްލާމްވިކަމަށް ބުނެ ފަތުރާ ޕޯސްޓަކީ އެއްވެސް ހަގީގަތެއް އޮތް ޕޯސްޓެއް ނޫނެވެ.
