ކްރިޝްނާ މަންޑަލް ނަމަކަށް ކިޔާ އެ އަންހެން މީހާ ފަހުން ވަނީ ގަވާއިދާ ހިލާފަށް އިންޑިއާއަށް އެތެރެވި ކަމަށް ބުނެ ނަރެންދުރަޕޫރު ޕޮލިހުން ހޯމަ ދުވަހު ހައްޔަރުކޮށްފަ އެވެ.
ބަނގުލަދޭޝްގެ ސުންދަރުބަންސްގެ ޖަންގަލީގެ ތެރެއަށް ވަދެ، އެ ސަރަހައްދުގައި އޮންނަ މަޓްލާ ކޯރު ހުރަސްކޮށް ގަޑިއިރަކަށް ވުރެ ގިނައިރު އަންހެން މީހާ ފަތާފައިވެއެވެ.
"ލޮކްމަޓް" ގައި ރިޕޯޓެއްގައިވާ ގޮތުން ކްރިޝްނާގެ ލޯބިވެރިޔާ އަބިކް މަންޑަލް ކާރެއްގައި އިންތިޒާރު ކުރަމުން ދިޔައީ ސައުތު 24 ޕަރްގަނާ ޑިސްޓްރިކްޓްގެ ކައިހާލީ އަވަށުގައެވެ. އެއީ އެ ކޯރުގެ އަނެއް ފަޅިއެވެ.
މަލްޓާ ކޯރު ދައްކުވައިދޭ ޗާޓެއް
ފަހުން އެމީހުން ކާރު ދުއްވައިގެން ކޮލްކަތާގެ ފައްޅިއަކަށް ގޮސް ކައިވެނި ކުރި އެވެ.
މިހާރު ދެމަފިރިން އޮންލައިންކޮށް ބައްދަލުވީ ފޭސްބުކުންނެވެ. ކްރިސްނާ ފަތާފައި އިންޑިއާއަށް ދިޔައީ އޭނާގެ ލޯބިވެރިއާ އަބީކްގެ އަތުގައި ޕާސްޕޯޓެއް ނެތުމުން ގާނޫނީ ގޮތުން ބަންގްލަދޭޝްއަށް އެތެރެވުމަށް އޭނާއަށް ހުރަސް އެޅުމުންނެވެ.
