ގެއްލިގެން ހޯދަނީ ކ ތުލުސްދޫ، ޕަރިސްތާ، މުހައްމަދު މަހްދީ (35) އެވެ.
މަހުދީގެ ދައްތަ އައިމިނަތު އަރުޝީ (ސީއެންއެމް) އަށް ވިދާޅުވީ މަހުދީ އިއްޔެ އިރުއޮއްސޭކަށްހާއިރު ޕޮނިކަރާ ސަރަހައްދުން ފެނުކުކަމަށް މީހަކު ރިޕޯޓްކުރުމުން މިހާރު އޭނާ ހޯދުމަށް އެސަރަހައްދަށް ދަތުރުކުރަމުންދާ ކަމަށެވެ.
ބައްޕައާއި ޅިޔަނަކާ އެކު އިންޑިއާއަށް ބޭސްފަރުވާއަށް ގޮސް ހުއްޓާ އަންގާރަ ދުވަހު ހެނދުނު މަހުދީ ގެއްލުނީ އަމްރިތާ ހޮސްޕިޓަލް ތެރެއިންކަމަށް އާއިލާއިން ބުނެއެވެ.
މަހްދީ އަކީ ނަފްސާނީ މައްސަލަ ހުންނަ ޒުވާނެއްކަމަށާއި އޭނާ ގެއްލުމުން އިންޑިއާ ފުލުހުންނާއި ދިވެހިން ފުލުހުންނާއި ރާއްޖޭގެ ފޮރިން މިނިސްޓްރީއަށް އެ މައުލޫމާތު ހިއްސާކޮށްފައިވާކަމަށް އާއިލާއިން ބުނެއެވެ.
އޭނާގެ އެއްވެސް މައުލޫމާތެއް ލިބިއްޖެނަމަ 7889180 ނަންބަރު އަދި 7971667 ނަންބަރަށް މައުލޫމާތު ހިއްސާކުރުމަށްވެސް އާއިލާއިން އެދެއެވެ.
