ކަންގަނާ ބުނީ އާލިޔާއާއި ނަވާޒުއްދީން ސިއްދީގީ މައްސަލަ ޖެހެނީ، އާލިއާއަށް ގަނެދީފައިވާ އެޕާޓުމަންޓުގައި ނޫޅެ، ނަވާޒުއްދީން އޭނާގެ މަންމައަށް ގަނެފައިވާ ބަންގުލޯ މިލްކުކުރުމަށް އާލިއާ މަސައްކަތްކުރާކަމަށެވެ.
އާލިއާގެ ވަކީލު މިމަހު ކުރީކޮޅު ނެރުނު ނޫސް ބަޔާނެއްގައި ބުނެފައިވަނީ، އެންމެ އަސާސީ ހައްގުތަކުން ނަވާޒުއްދީން އާއި އޭނާގެ އާއިލާއިން އާލިޔާ މަހުރޫމްކޮށްފައިވާކަމަށެވެ. މިގޮތުން ނިދުމާ، ކެއުމާއި ފެންވެރުމުން އޭނާ މަހުރޫމުކޮށްފައިވާކަމަަށް ވަކީލު ތުހުމަތު ކުރެއެވެ.
އާލިއާއާއި އޭނާގެ ދަރިން ނަވާޒުއްދީންގެ އާއިލާއާއެކު ދިރިއުޅޭ ހާލު ދައްކައިދިނުމަށް އަލިއާ ވަނީ ވީޑިއޯއެއްވެސް އާންމުކޮށްފައެެވެ. އެ ވީޑިއޯގައި ފެންނަނީ އާލިއާ ދެ ދަރިންނާއެކު ސޯފާއެއްގައި ނިދާތަނެވެ.
މި ވީޑިއޯ އަލުން ޕޯސްޓުކޮށް ކަންގަނާ ބުނެފައިވަނީ، ނަވާޒުއްދީން އާލިޔާ އަށް ގަނެދީފައިވާ އެޕާޓްމަންޓަށް އާލިޔާ ބަދަލުކުރުމުން މައްސަލަ ހައްލުވާނެކަމަށެވެ.
ނަވާޒުއްދީން އާއި އޭނާގެ އާއިލާއާއި ދެކޮޅަށް އާލިއާ ޖެއްސި މައްސަަލަ މިހާރު ގެންދަނީ އިންޑިއާ ކޯޓެއްގައި ބަލަމުންނެވެ.
