ads
ގެއްލިގެން ހޯދާ މުޙައްމަދު އާސިރު އިސްމާޢީލް
އާސިރު ހޯދަން ޓެކްސީ ޑްރައިވަރާއި ސުވާލުކޮށް، 150 ގަޑިއިރުގެ ފްޓޭޖް ބަލައިފި
މިމަހުގެ ހަތަރު ވަނަ ދުވަހުން ފެށިގެން މާލެއިން ގެއްލިގެން ހޯދަމުންދާ ސ. މަރަދޫފޭދޫ/ގަސްކަރަ، މުހައްމަދު އާސިރު އިސްމާއީލް ހޯދުމުގެ މަސައްކަތުގައި އޭނާ މާލެއިން އެއާޕޯޓަށް ދިޔަ ޓެކްސީ ޑްރައިވަރާއި ސުވާލުކޮށް 150 ގަޑިއިރުގެ ސީސީޓީވީ ފްޓޭޖް ބަލާފައިވާކަމަށް ފުލުހުން ބުނެފިއެވެ.

އޭނާ ހޯދުމަށް ކުރަމުންދާ މަސައްކަތުގައި، ސީސީޓީވީ ކެމެރާތައް ބެލުމުގެ ތެރެއިން، ފެބްރުއަރީ 4 ވަނަ ދުވަހުގެރޭ 19:20 ބޮޑުތަކުރުފާނުމަގުން ހުޅުމާލޭ ފެރީޓާމިނަލް ސަރަހައްދުން ހުދުކުލައިގެ ޓެކްސީއަކަށް އަރާ މަންޒަރު ފެންނަ ކަމަށް ފުލުހުން ބުނެއެވެ.

ފުލުހުން ބުނީ ޓެކްސީ އެއާޕޯޓް ޓާމިނަލަށް މަޑުކުރުމުން އޭނާ ޓެކްސީން ފައިބައިގެން އެއާޕޯޓް ޓާމިނަލަށް ވަންނަ މަންޒަރު ފެނުނު ނަމަވެސް އޭނާ ރާއްޖެއިން ބޭރަށް އަދި ރާއްޖޭގެ އެއްވެސް ތަނަކަށް ދަތުރުކުރިކަން އެނގެން ނެތްކަމަށެވެ.

އެއާޕޯޓްގެ ބައެއް ސަރަހައްދުތަކުގައި ކެމެރާ ނެތުމުން އެސަރަހައްދުގެ އުޅަނދުތަކުގައި އުޅޭ މީހުންނަށް އޭނާގެ ފޮޓޯ ދައްކާ އޭނާ ހޯދުމަށް މަސައްކަތް ކުރަމުންގެންދާކަމަށާއި މާލެއާއި މާލެ ކައިރި ސަރަހައްދުގެ އަދި ރާއްޖޭގެ އެއްވެސް ސަރަހައްދެއްގެ ގެސްޓްހައުސްއަކުން އާސިރު ހިދުމަތް ހޯދިތޯ ބަލަމުން ގެންދާކަމަށް ފުލުހުން ބުނެއެވެ.

"މާލެއާއި ހުޅުމާލެއާއި ވިލިމާލެ އަދި މާފުށީގެ ހުރިހާ ގެސްޓްހައުސްތަކަކާއި އަތޮޅުތެރޭގެ ގެސްޓްހައުސްތަކުން އެއްވެސް ހިދުމަތެއް ހޯދާފައިވޭތޭ ބެލުމުގެ އިތުރުން މާލެ ސަރަހައްދުގެ ކައިރި ރަށްރަށާއި ރާއްޖޭގެ އެއްވެސް ރަށެއްގައި މުހައްމަދު އާސިރު އިސްމާއީލް އުޅޭތޯ ބެލުމުގެ މަސައްކަތްވެސް ފުލުހުންދަނީ ކުރަމުންނެވެ" ފުލުހުން މިއަދު އާއްމުކުރި ބަޔާނުގައި ވެއެވެ.

ފުލުހުންބުނީ އާސިރު ނުފެނި ހޭދަވާ ކޮންމެ ވަގުތަކީވެސް ފުލުހުން އެކަމާއި ކަންބޮޑުވާ ވަގުތެއްކަމަށާއި އާސިރު ހޯދުމަށް ކުރަމުންދާ މަސައްކަތް އާއިލާއާއި ހިއްސާކުރަމުން ވެސް ގެންދާ ކަމަށެވެ.

50%
ކަމުގޮސްފި
50%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް