ފޯނު ޗާޖު ކުރަނީ
ޗާޖަރުތަކުން ނުރައްކާތެރި ވައިރަހެއް ފޯނަށް އެބަ އަރާ: އެފްބީއައި
އައިޝަތު ނޫރާ
25 އޭޕްރީލް 2023 - 16:39:25
އާންމު ތަންތަނުގައި ޔޫއެސްބީ ވާގަނޑު މެދުވެރިކޮށް ޗާޖުކުރަން ހުންނަ ޗާޖިން ޕޯޓުތަކުން ނުރައްކާތެރި ވައިރަހެއް ފޯނަށް އަރަން ފަށާފައިވާކަމަށް އެމެރިކާގެ ފެޑްރަލް ބިއުރޯ އޮފް އިންވިސްޓިގޭޝަން (އެފްބީއައި) އިން ބުނެފިއެވެ.
Advertisement
މި މައްސަލަ ދިމާވަނީ ހެކަރުންގެ ބަޔަކު މިފަދަ ޕޯޓުތަކަށް ދީފައިވާ ހަމަލާތަކެއްގެ ސަބަބުންކަމަށް އެފްބީއައިއިން ނެރުނު ސަމާލުގައި ބުނެފައިވެއެވެ.
މިގޮތުން އެފްބީއައި އިން ވަނީ ޗާޖުކުރުމަށް އަމިއްލަ ޗާޖަރާއި، ވާގަނޑު އަދި ޕަވާޕެކް ފަދަ ތަކެތި ބޭނުންކުރުމަށް އެދިފައެވެ.
"އެއާޕޯޓުތަކާ މޯލްތައް ފަދަ ތަންތަނުގައި ހުންނަ ޗާޖިން ޕޯޓުތަކުން ޗާޖުކުރުމުން ޖޫސް ޖެކިން ކިޔާ އުކުޅެއް މެދުވެރިކޮށް ފޯނުގައި ހުންނަ ހުރިހާ ޑޭޓާއެއް އެބަ ދަމައިގަނޭ. އަދި މިއީ ބްލެކްމެއިލް ކުރުން ފަދަ ކަންކަން ކުރެވިދާނެ މައުލޫމާތު،" އެފްބީއައި އިން ބުނެފައިވެެއެވެ.
މިގޮތުން މިކަން ކުރަނީ ނުރައްކާތެރި މެލްވެއާ ވައިރަހެއް އެފަދަ ޗާޖިން ޕޯޓުތަކުން ފޮނުވާލައިގެންކަމަށް އެފްބީއައިއިން ބުނެފައިވެއެވެ.
"ޖޫސް ޖެކިން" އަކީ އެފްބީއައިއިން 2021 ވަނަ އަހަރުން ފެށިގެން މޮނީޓާ ކުރަމުން އަންނަ ހެކަރުންގެ އުކުޅެކެވެ.
އެފްބީއައިއިން މި މަހު މިފަދަ އިންޒާރެއް އަނެއްކާވެސް މި ނެރުނީ ހެކަރުންގެ އުނދަގޫ ބޮޑުވެގެންކަމަށް ބެލެވެއެވެ.
17%
ކަމުގޮސްފި
33%
އަޑުއެހިތާ މިހުރީ
17%
ސަތޭކައަކުން ސުމެއް
33%
ވަރަށް ސަލާމް
ކޮމެންޓްސް
