އެކައުންސިލުން މިހެން ބުނީ ހެއްކާބެހޭ ގާނޫނޫގެ ސަބަބުން ނޫސްވެރިކަމުގެ މިނިވަންކަމުގެ އިންޑެކްސްގައި ރާއްޖެއަށް ހީނަރުކަން އަންނާނެ ކަމަށް ބުނެ މިއަދު ނެރުނު ނޫސް ބަޔާނުގައެވެ.
ހެއްކާބެހޭ ގާނޫނުގެ 136 ވަނަ މާއްދާ މިހާރު އޮތްގޮތުން ނޫސްވެރިޔާގެ މަސްދަރު ހާމަކުރުމަށް ޝަރުއީ ކޯޓަކަށް އަމުރު ކުރެވޭނެއެވެ.
އެ މާއްދާއަށް ބަދަލުތަކެއް ގެނެސް މަސްދަރު ހާމަކުރަން އެދެވޭނީ ހަމައެކަނި ޕްރޮސެކިއުޓާ ޖެނެރަލްއަށް ކަމަށާއި ޕީޖީއަށްވެސް މަސްދަރު ހޯދަން ފުރަތަމަ މަރުހަލާގައިވެސް ދެވޭނީ ހައިކޯޓަށް ކަމަށް ބަޔާންކޮށް ބިލަށް ބަދަލު ގެނެސް ޖުޑިޝަރީ ކޮމެޓީން މަޖިލީހަށް ބިލް ފޮނުވިއެވެ. ނަމަވެސް ސަރުކާރަށް ތާއީދުކުރާ މެމްބަރުންގެ ވޯޓުން އެބިލު ފާސް ނުކޮށް އިއްޔެވަނީ ކޮމެޓީއަށް އަނބުރާ ފޮނުވާލާފައެވެ.
ބިލް އަނބުރާ ފޮނުވާލި މައްސަލާގައި ކަނބޮޑުވުން ފާޅުކޮށް އެމްއެމްސީން ބެރުނު ބަޔާނުގައި ބުނެފައިވަނީ ގާނޫނުގައި މިހާރު އޮތް ގޮތުން ނޫސްވެރިކަމަށް ފުނުބެދޭވަރުގެ ގެއްލުން ވާނެކަމަށެވެ.
އެމްއެމްސީން ބުނީ ގާނޫނު މިހާރު އޮތްގޮތަށް އޮތުމަކީ ދުނިޔޭގެ ނޫސްވެރިކަމުގެ މިނިވަން ކަމުގެ އިންޑެކްސްގައި ދިވެހިރާއްޖެ އަށް ހީނަރުކަން އަންނާނެ ކަމެއްކަމަށެވެ.
