"މީމިސް" އަކީ ދަރިވަރުންގެ އެންމެހާ މަުލޫމާތު އެއްކޮށް ބެލެހެއްޓުމަށް ހަދާފައިވާ ޕޯޓަލްއެކެވެ. މި ޕްލެޓްފޯމަށް މައުލޫމާތު އަޕްލޯޑް ކުރުމަކީ ޓީޗަރުން ކުރަން ޖެހޭ ކަމެކެވެ.
ސީއެންއެމްއާ ވާހަކަ ދެއްކި ބައެއް ޓީޗަރުން ބުނީ ދަރިވަރުންގެ މައުލޫމާތު ތައް އަޕްލޯޑް ކުރުމަށް މަސައްކަތް ކުރާތާ ދެހަފްތާ ވީއިރުވެސް އަދިވެސް މައުލޫމާތުތައް އެއަށް ލެވޭ ގޮތް ނުވާ ކަމަށެވެ.
މިކަމާ ގުޅޭ ގޮތުން އެޑިއުކޭޝނަން މިނިސްޓްރީން ފޯނަށް ޖަވާބު ނުދެއްވާތީ އެ މިނިސްޓްރީގެ ބަހެއް ލިބޭ ގޮތް ނުވެއެވެ.
ސްކޫލެއްގެ ޕްރިންސިޕަލަކު ވިދާޅުވީ މީމިސްއަށް ކޮންމެއަހަރަކުވެސް ރިޕޯޓްކާޑުތައް ހަދައި އަޕްލޯޑު ކުރާއިރު ޑައުން ވުމުގެ މައްސަލަ ދިމާވާކަމަށެވެ.
އޭނާ ވިދާޅުވީ އެ މައްސަލައަކީ ރާއްޖޭގެ ހުރިހާ ސްކޫލްތަކަކުން އެއްފަހަރާ މައުލޫމާތު ތައް "މީމިސް' އަށް އަޕްލޯޑް ކުރުމަށް މަސައްކަތް ކުރުމުން ދިމާވާ މައްސަލައެއް ކަމަށެވެ.