މިނިސްޓަރު ޒާހިރު ވިދާޅުވީ މި ދުވަސްވަރު ސައުދީގެ ސަލާމަތީ ކަންތައްތައް ހުރިގޮތުން ދަތިތަކަކާ ނައިބުރައީސް އާއި ކުރިމަތިލައްވަންޖެހުނު ނަމަވެސް، ހައްޖުވެރިންނާއި ނައިބު ރައީސް ބައްދަލުކުރެވޭނެގޮތެއް އޮތްތޯ ބަލަމުން އަންނަކަމަށެވެ.
"ނަމަވެސް މިހާތަނަށް އަދި އަލިމަގެއް އެކަމުގައި ނުފެނޭ،" -އިސްލާމިކް މިނިސްޓަރު-
ހައްޖުވެރިންނާއި ސީދާ ބައްދަލުކުރެއްވުމުގެ ފުރުސަތު ނައިބު ރައީސްއަށް ލިބިވަޑައިނުގެންނެވި ނަމަވެސް، ހައްޖުވެރިންގެ ކަންކަން އެމަނިކުފާނު އަންނީ ވަރަށް ގާތުން ބައްލަވަމުންނެވެ.
އަމީރުލްހައްޖުގެ ގޮތުގައި ވަޑައިގެންނެވި ނައިބުރައީސް ރާއްޖެއިން މައްކާއަށް ވަޑައިގެންނެވީ މިދިޔަ ބުރާސްފަތި ދުވަހުއެވެ. އެމަނިކުފާނު ވަނީ ހައްޖުގެ ކަންކަން ބެއްލެވުމުގައި އިސްކޮށް ހަރަކާތްތެރިވާ ގުރޫޕުތަކުގެ އިތުރުން، ސައުދީގައި ތިބި ދިވެހި ދަރިވަރުންނާ ވެސް ބައްދަލުކުރައްވާފައެވެ.
