ކުޅިވަރު މިނިސްޓްރީން ބުދަ ދުވަހު ސޮއިކޮށްފައިވަނީ ހދ. ނައިވާދޫ، ހއ. އުލިގަން، އަދި ގދ. ވާދޫގެ ފުޓްބޯޅަ ދަނޑުގެ ޓާރފް ސަޕްލައިކޮށް އިންސްޓޯލްކުރުމުގެ މަސައްކަތާއި، ހއ. ދިއްދުއާއި ހދ. ނޮޅިވަރަމް އައުޓްޑޯ ވޮލީކޯޓް ތަރައްގީކުރުމުގެ މަސައްކަތުގެ އެއްބަސްވުމުގައެވެ.

މި ޕްރޮޖެކްޓަތަކުގެ ތެރެއިން ފުޓުބޯޅަ ދަނޑުތަކުގެ މަސައްކަތް ހަވާލުކޮށްފައިވަނީ އޯޓެކްސް ޕްރައިވެޓް ލިމިޓެޑާއެވެ. ދަނޑުގެވެސް މަސައްކަތް ނިންމުމުގެ މުއްދަތަކީ 90 ދުވަހެވެ.

ދިއްދޫ ވޮލީކޯޓުގެ މަސައްކަތް ހަވާލުކޮށްފައިވަނީ ގްރީންލައިން މޯލްޑިވްސްއާއެވެ.  މިއީ 45 ދުވަސް ތެރޭގައި ނިންމަންޖެހޭ މި މަސައްކަތެކެވެ. 44 ދުވަސްތެރޭގައި ނިންމަންޖެހޭ ނޮޅިވަރަމް ވޮލީކޯޓުގެ މަސައްކަތް ހަވާލުކޮށްފައިވަނީ ބޮޑުތިލަ އިންވެސްޓްމަންޓާއެވެ.