ރޭ ނޫސް ވެރިންނާއި ބައްދަލުކުރައްވައި ޑިމޮކްރެޓްސް ޕާޓީގެ އިންތިގާލީ ޗެއާޕާސަން އަދި ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު ހަސަން ލަތީފު ވިދާޅުވީ އެޕާޓީން ވާދަކުރައްވާ ކެންޑިޑޭޓްގެ ކެންޑިޑެންސީ ފޯމު މިއަދު އިލެކްޝަން ކޮމިޝަނަށް ހުށައަޅުއްވާނެ ކަމަށެވެ.
ހަސަން ލަތީފް ވިދާޅުވީ ދިމޮކްރެޓްސް އިން ރިޔާސީ އިންތިހާބުގައި ރައީސުލް ޖުމްހޫރިއްޔާގެ މަގާމަށް ވާދަކުރައްވަނީ އެޕާޓީގެ ޕްރައިމަރީގައިވެސް ނިންމާފައިވާ ގޮތަށް އިލިޔާސް ލަބީބް ކަމަށެވެ.
ހަސަން ވިދާޅުވީ ރިޔާސީ ރޭހުގައި އެޕާޓީއާއި ގުޅިގެން މަސައްކަތް ކުރަން ޕީޕީއެމް އިން ވަރަށް ގިނަ މަޝްވަރާތައްވެސް ނިމިފައިވާ ކަމަށާއި، އެކުގައި މަސައްކަތް ކުރަން އެއްބަސްވެފައިވާ ކަމަށެވެ.
ރައީސް ކަމަށް އިލިޔާސް ލަބީބް ވާދަކުރައްވާއިރު އެމަނިކުފާނުގެ ރަނިންމޭޓަކީ ކޮން ފަރާތެއްކަން މާދަމާ ހާމަވެގެންދާނެ ކަމަށް ހަސަން ވިދާޅުވި އެވެ.
ހަސަން ވިދާޅުވީ އަބަދުވެސް މަސައްކަތް ކުރައްވަނީ ސިޔާސީ ވެރިންނާއެކު ވަރަށް ބޮޑަށް ގުޅިގެން ކަމަށާއި، ޖުމްހޫރީ ޕާޓީ އާއެކުވެސް މަޝްވަރާތައް ކުރައްވަމުން އަންނަ ކަމަށެވެ. އަދި ވިދާޅުވީ ޖުމްހޫރީ ޕާޓީއާއެކު މަސައްކަތް ކުރެޭނެ ކަމުގެ ފެހި ސިގުނަލް ލިބެމުން އަންނަ ކަމަށެވެ.