ކުރީގެ ރައީސް އަބްދުﷲ ޔާމީންގެ ދައުރު ނިމުމާއެކު މެލޭޝިޔާއަށް ވަޑައިގެން މެލޭޝިޔާގައި ދިރިއުޅުއްވަމުން ގެންދެވުމަށްފަހު ހަސަން ލުތުފީ އައްޑުއަށް ވަޑައިގެންފައިވަނީ ކޮން އިރަކު ކަމެއް ސާފެއް ނޫނެވެ.
މޯލްޑިވްސް ޕޮލިސް ސާވިސްގެ އިސް އޮފިޝަލަކު ސީއެންއެމަށް ވިދާޅުވި ގޮތުގައި ލުތުފީއަކީ އެމްއެމްޕީއާރުސީ ތަހުގީގާ ގުޅިގެން އެ ހިދުމަތުން ހޯދަމުންދާ މީހެކެވެ. އޮފިޝަލު ވިދާޅުވި ގޮތުގައި ލުތުފީއަކީ ތަހުގީގަށް ހޯދަމުންދާ މީހެއްކަން ލުތުފީއަށް ވެސް ވަނީ އަންގާފައެވެ.
އެނގިފައިވާ ގޮތުގައި ފުލުހުންވަނީ އެމްއެމްޕީއާރުސީ މައްސަލާގައި ރާއްޖެއިން ބޭރުގައި ހުންނަވަނިކޮށް ވެސް ލުތުފީގެ ބަޔާން ނަގަން މަސައްކަތްކޮށްފައެވެ.
ލުތުފީ ވަނީ އިދިކޮޅު ޕީޕީއެމް/ޕީސއެންސީގެ ކެންޑިޑޭޓު ޑރ.މުހައްމަދު މުއިއްޒު އައްޑުއަށް ވަޑައިގެންނެވުމުން މުއިއްޒުއަށް އައްޑޫއިން މަރުހަބާ ދަންނަވާފައެވެ.
