އެމްއެމްޕީއާރުސީގެ ބޮޑު ހިޔާނާތުގެ ތެރެއިން ވ. އާރަށް ކުއްޔަށް ދޫކުރުމުގެ ތެރެއިން އެމަނިކުފާނު 1.1 މިލިއަން ޑޮލަރު ރިޝްވަތުގެ ގޮތުގައި ނަންގަވައި އެ ފައިސާ ލޯންޑަކުރެއްވި މައްސަލަ ސާބިތުވެ، މާފުށީ ޖަލުގައި ޖަލުގައި ޔާމީން ހުކުމް ތަންފީޒުކުރައްވަމުން ގެންދަވަނިކޮށް އެމަނިކުފާނު ލީޑުކުރައްވާ ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވަނީ ރިޔާސީ އިންތިހާބު ކާމިޔާބު ކުރައްވައިފަ އެވެ. އެ މޮޅަށްފަހު މުއިއްޒު ފުރަތަމަ ވެސް ގޮވާލެއްވީ ޔާމީން ގޭބަންދަށް ބަދަލު ކުރުމަށެވެ. އެ ގޮވާލުމަށް ފަހު ދެންފެނުނީ ރައީސް ޔާމީން ގެކޮޅަށް ބަދަލުކުރެވުނު ތަނެވެ.
ކަރެކްޝަނުގެ މީޑިއާ ބުނަނީ ރައީސް ޔާމީން ގެއަށް ބަދަލުކުރީ ޖަލުތަކާއި ޕެރޯލްގެ ގާނޫނުގެ 82 ވަނަ މާއްދާގެ ދަށުން ކަމަށެވެ. ނަމަވެސް ރައީސް ޔާމީން ގެއަށް ބަދަލުކުރީ ސިއްހީ ނުރައްކަލުގެ ތަފްސީލެއް ކަރެކްޝަނުން މިހާތަނަށް ހާމަކޮށްފައެއް ނުވެ އެވެ.
އެކަމަކު، ޕީޕީއެމުން ކުރިއާލައި އިއުލާނުކޮށްގެން މިފަހުން ބޭއްވި ޖަލްސާގައި ރައީސް ޔާމީން ބައިވެރިވެވަޑައިގެން، ވާހަކަފުޅު ވެސް ދެއްކެވި އެވެ. އަދި އެ ޖަލްސާ ވަނީ ޓީވީތަކުން ވަގުތުން ދުރަށް ދައްކައިފަ އެވެ.
މި ކަމާއި ގުޅިގެން ގައިދީއަކު ސިޔާސީ ޕޯޑިއަމުން ފެނުން " އޯކޭ" ވީތީ ބުނެ ކަރެކްޝަނަށް ސުވާލު އަމާޒުވި އެވެ. ޖަވާބުގައި ކަރެކްޝަނުން ބުނީ، އެ ލުއިތަކަކީ ޔާމީންއާ އެކު ވެފައިވާ އިގުރާރެއްގެ ދަށުން ހަމައެކަނި މެޑިކަލް ކަންކަމުގައި ބޭރަށް ނިކުމެ އުޅުމަށް ދީފައިވާ ލުއިތަކެއް ކަމަށެވެ. އެހެންވެ، އެކަން ނުކުރެއްވުމަށް އެމަނިކުފާނަށް އިއްޔެ ކަރެކްޝަނުން ވަނީ އިންޒާރުގެ ލިޔުން ފޮނުއްވާފައި އެވެ.
މީގެ ކުރިން ކަރެކްޝަނުން އަންގާ އެފަދަ އެންގުންތަކަށް، ޕީޕީއެމް އިން ބަޔާން ނެރެ ހެދިޔަސް، މި އެންގުމާ ގުޅިގެން މިހާތަނަށް އެއްވެސް ބަޔާނެއް ނެރެ، އެއްވެސް އެއްޗެއް އެ ޕާޓީން ބުނެފައެއް ނުވެ އެވެ.
ނަމަވެސް ކަރެކްޝަންސްއިން އިންޒާރު ގުޅިގެން ޕީޕީއެމް/ޕީއެންސީގެ ލީޑަޝިޕުން ވަނީ ވާހަހަ ދައްކަވާފަ އެވެ.
އަބްދުއްރަހީމް މިއަދުވެސް ވަނީ މި ސަރުކާރުން ޔާމީނަށް ދެމުން ގެންދަނީ ގަސްތުގައި ރާވައިގެން ދެމުން ގެންދާ އަނިޔާއެއް ކަމަށް ވިދާޅުވާ ވިދާޅުވުން މިއަދުވެސް ތަކުރާރު ކުރައްވާފަ އެވެ.
އޭނާ ވިދާޅުވީ ގަބޫލުކުރާ ގޮތަކީ ޔާމީން އަމަލު ކުރައްވާފައިވަނީ ކަރެކްޝަންގެ ލަފާގެ މަތިން ކަމަށާއި ފަހުން އެކަން ބަދަލުކުރީ ކަމަށް ވެދާނެ ކަމަށެވެ.
ޖަލުތަކާއި ޕެރޯލްގެ ގާނޫނުގެ 62 ވަނަ މާއްދާގައި ބުނަނީ..
އަދި ޖަލުތަކާއި ޕެރޯލްގެ ގާނޫނުގެ 82 ވަނަ މާއްދާގައި ބުނަނީ..