ފިނޭންސް މިނިސްޓްރީން ނެރުއްވި ބަޔާނެއްގައިވަނީ މުއްދަތު އިތުރު ކޮށްދެއްވުމަށް ނިންމެވީ ކޮންޓްރެކްޓަރުންނަށް ކޮވިޑް ތެރޭގައި ދިމާވި އެކިއެކި ދަތިތަކަށް ލުޔެއް ހޯދާދިނުމުގެ ގޮތުން ކަމަށެވެ.
ފިނޭންސް މިނިސްޓްރީން ބުނީ މުއްދަތު އިތުރު ކުރެވޭނީ، އެކަމަށް އެދި ހުށައަޅާ ފަރާތްތަކަށް އެކަނި ކަމަށެވެ.
ދައުލަތުން ކުރިއަށް ގެންދާ ޕީއެސްއައިޕީ މަޝްރޫޢެއްގައި ބައިވެރިވެފައިވާ ކޮންޓްރެކްޓަރުން އެފަރާތުގެ ކޮންޓްރެކްޓް އިތުރުކުރުމަށް ބޭނުންވާ މުއްދަތު 6 މަސް ދުވަހަށްވުރެ އިތުރު ނުވާގޮތަށް 16 ނޮވެމްބަރު 2023ގެ ނިއަލަށް އެކޮންޓްރެކްޓެއް ހިންގާ އޮފީހަކަށް އެދުމަށްވަނީ އަންގަވާފައެވެ.
އަދި ދައުލަތުގެ އޮފީސްތަކުން އެފަދަ އެދިލެއްވުންތައް ދައުލަތުގެ މާލިއްޔަތު ގަވާއިދާ އެއްގޮތަށް ހުއްދަދެއްވައި އެކޮންޓްރެކްޓްގެ މުއްދަތު އިތުރުކޮށް އެއްބަސްވުންތައް އަދާހަމަކުރެއްވުމަށްވަނީ ފިނޭންސް މިނިސްޓްރީންވަނީ އަންގަވާފައެވެ.
