އާ ސަރުކާރުގެ ފުރަތަމަ ދުވަހު، ކްރިމިނަލް ކޯޓުން ބަންދު މުއްދަތު ޖެހި ގިނަ މީހުންނަކީ ވައްކަމުގެ ތުހުމަތު ކުރެވޭ މީހުންނެވެ. އޭގެ ތެރޭގައި ހިމެނެނީ، އުމުރުން 23 އަހަރުން ފެށިގެން 48 އަހަރާއި ދެމެދުގެ ފިރިހެނުންނެވެ. 

ވެރިކަމުގެ ފުރަތަމަ ދުވަހު ބަންދު މުއްދަތު ޖެހި މީހުންގެ ތެރެއިން ބައެއް މީހުން ފަސް ދުވަހަށް ބަންދު ކުރަން ކޯޓުން އަމުރުކުރިއިރު، އަނެއް ބައި މީހުންނަށް 10 ދުވަހުގެ މުއްދަތުވެސް ޖަހާފައި އެބަހުއްޓެ އެވެ. 

ބަންދު އަމުރުތަކުގައިވާ ފުލުހުންގެ އެލްސީ ނަންބަރުތަކުން އެނގޭ ގޮތުގައި މުއްދަތު ޖަހާފައިވާ އެންމެންނަކީ އެއް ހާދިސާއެއްގައި ހިމެނޭ މީހުންނެއް ނޫނެވެ.