ކުރިން މި ސްކޮލާޝިޕްތަކަށް ކުރިމަތިލުމުގެ ސުންގަޑިއެއް ކަމަށް ކަނޑައަޅާފައި ވާ ތާރީހަކީ މި ޑިސެމްބަރު މަހުގެ ތިން ވަނަ ދުވަހެވެ. ނަމަވެސް ސްކޮލާޝިޕްތަކަށް ކުރިމަތިލުމުގެ ފުރުސަތު ހަޔާ އެޑިއުކޭޝަން މިނިސްޓްރީން މިހާރު ވަނީ މި މަހުގެ 24 ވާ އާދިއްތަ ދުވަހުގެ 16:00 އާ ހަމައަށް އިތުރުކޮށްފަ އެވެ.
މި ސްކޮލާޝިޕްތަކަށް ދަރިވަރުން ހޮވުމުގެ ހުރިހާ މަސައްކަތެއް ކުރާނީ ސްކޮލާޝިޕް ދޭ ފަރާތް ކަމުގައިވާ ޖޭޑީއެސްއިންނެވެ. ސްކޮލާޝިޕަށް ހޮވޭ ދަރިވަރުންގެ ހުރިހާ ހަރަދެއްވެސް އެ ފަރާތުން ހަމަޖައްސައިދޭނެ އެވެ.
މި ކޯސްތައް ލިބޭ ފަރާތްތަކުން ކޯހަށް ފުރުމުގެ ކުރިން، ކޯސް ހިންގާ އިންސްޓިޓިއުޓަކީ އެމްކިއުއޭއިން ގަބޫލުކުރާ އިންސްޓިޓިއުޓެއްތޯ އާއި ހޮވިފައިވާ ކޯހަކީ އެމްކިއުއޭއިން ގަބޫލުކުރާ ކޯހެއްތޯ ކަށަވަރު ކުރުމަށް ހަޔާ އެޑިއުކޭޝަން މިނިސްޓްރީން ވަނީ އެދިފަ އެވެ.
މި ސްކޮލާޝިޕާ ބެހޭ އިތުރު މައުލޫމާތާއި އޮންލައިންކޮށް އެޕްލިކޭޝަން ހުށަހަޅަންވީ ގޮތުގެ މައުލޫމާތު ޖޭޑީއެސްގެ ވެބްސައިޓުން ލިބެން ހުންނާނެ އެވެ.
ޖަޕާނުން ރާއްޖެއަށް ވަމުން އަންނަ އެކިއެކި އެހީގެ ތެރެއިން އެންމެ ބޮޑު އެހީތެރިކަމެއް ފޯރުކޮށްދެނީ ތައުލީމީ ދާއިރާ އަށެވެ.
