ސަންގު ޓީވީގެ "ހަބަރަށް ފަހު" ޕްރޮގްރާމްގައި ވާހަކަ ދައްކަވަމުން ފަހުމީ ވިދާޅުވީ، ފައިދާ ވާ ކުންފުންޏެއްގެ ގޮތުގައި ސްޓެލްކޯ ހިންގި ކަމުގައި ވިޔަސް ލިބިން ޖެހޭ ބޮޑެތި އަދަދު ތަކުގެ ފައިސާ ގިނަ ފަހަރު ހުންނަނީ ނުލިބި ކަމަށެވެ. އެގޮތުން މިހާރު ވެސް ކަރަންޓު ބިލުތަކަށް ލިބެންޖެހޭ 500 މިލިއަން ރުފިޔާ ނުލިބި އެބަހުރި ކަަމަށެވެ.
އެހެންކަމުން ސްޓެލްކޯގެ ކޭޝް ފްލޯ އާންމު ގޮތެއްގައި ހަމަޖައްސައިދެނީ ފިނޭންސް މިނިސްޓްރީން ކަމަށް ފަހުމީ ވިދާޅުވި އެވެ. އެގޮތުން ފިނޭންސް މިނިސްޓްރީން ގިނަ ފަހަރުތަކެއްގެ މަތިން ލޯނުގެ އިތުރުން އިންޓްރަސްޓަށްވާ ފައިސާ ވެސް ދައްކައިދީފައި ވާކަަން އޭނާ ފާހަގަ ކުރެއްވި އެވެ.
ފަހުމީ ވިދާޅުވި ގޮތުގައި ވޭތުވެދިޔަ ހަތަރު މަސް ދުވަހު އެ ދަރަނި ދެއްކީ ސްޓެލްކޯއިން ކަަމުގަ އެވެ. އެހެން ނަމަވެސް މިހާރު ވެސް ސްޓެލްކޯއަށް ކޭޝްފްލޯގެ ދަތިތައް ކުރިމަތިވެފައިވާ ކަަމަށާއި، އެކަންކަން ހައްލުކޮށްގެން ކުންފުނީގެ މަސައްކަތްތައް އިތުރަށް ރަނގަޅު ކުރުމަށް މަސައްކަތް ކުރައްވާނެމަަށް އޭނާ ވިދާޅުވި އެވެ.
އޭގެ އިތުރުން ފަހުމީ ވިދާޅުވީ ސްޓެލްކޯއަށް މިވަގުތު ދައުލަތުން ޑައިރެކްޓް ސަބްސިޑީއެއް ނުލިބޭ ކަމަށެވެ. އަދި ސަބްސިޑީ ދެނީ ޑީސަލްއަށް ކަމަށް ވުމުން، އެ ފައިސާ ލިބެނީ އެސްޓީއޯއަށް ކަމަށް އޭނާ ވިދާޅުވި އެވެ.
