މާލޭއަށް ކުރި ވިއްސާރައިގައި ގެތަކަށް ލިބުނު ގެއްލުންތައް ބެއްލެވުމަށް ފަހު މީޑިއާތަކާއި ވާހަކަދައްކަވަމުން ރައީސް ވިދާޅުވީ ފެންބޮޑުވުމަށް އޮތް ހައްލަކީ މާލޭގެ ހުރިހާ މަގުތަކެއްވެސް ރަނގަޅު ފެންވަރަށް ހެދުން ކަމަށެވެ.

މަގުތައް ހަދާއިރު "ވަރަށް ވަރުގަދަ" ސްޓޯމް ވޯޓާ ސިސްޓަމެއް  ގާއިމް ކުރާނެކަމަށާއި އެ ނިޒާމުގައި ހުންނަނާއި މިހާރަށްވުރެ ފަލަ ހޮޅިތައް ކަމަށް ރައީސް ވިދާޅުވިއެވެ.

ރައީސް ވިދާޅުވީ މަގުތައް ތަރައްގީ ކުރުމުން މިފަދަ ހާލަތްތަކުގައި ގެތައް ސަލާމަތްވެ އާންމުންނަށް ލިބޭ ގެއްލުންތައް ކުޑަކުރެވިގެންދާނެކަަމަށެވެ.

މާލޭގެ އިތުރުން ރަށްރަށުގައިވެސް އެމަގުން ޕްރޮޖެކްޓްތައް ކުރިއަށް ގެންދެވޭނެކަމަށް ވިދާޅުވިއެވެ.

އޭގެ އިތުރުން ޑިޒާސްޓާ މެނޭޖުކުރުމުގެ ނިޒާމް ވަރުގަދަކުރައްވާނެކަމަށް ރައީސް ވިދާަޅުވިއެވެ.