މިއަދު ވިނގިލީގައި ކުރިޔަށް އޮތް ލޯކަލް ކައުންސިލްގެ މޭޔަރުކަމުގެ ބައި އިލްކެސަންގެ ކެމްޕޭނު ޖަލްސާގައި ވާހަކަދައްކަވަމުން ރައީސް ވިދާޅުވީ ވިލިމާލޭގައި އިމާރާތްކުރުމުގެ ހުއްދަ މިހާރު އޮންނަނީ ހަ ބުރިއަށްކަމަށާއި. އެކަމަކު، އެ އަވަށުގައި 10 ބުރިއަށް އިމާރާތްތައް ހެދޭނީ ޕްލޭނިން މިނިސްޓްރީގެ ގަވައިދު ރައްޔިތުންގެ މަޖިލިހުން އިސްލާހު ކުރުމުންކަމަށެވެ. އެހެން ކަމުން މިހާރު އެ ގަވައިދު އިސްލާހު ކުރުމަށް މަޖިލީހަށް ހުށަހެޅިފައިވާކަމުަގއި ރައީސް ފާހަގަކުރެއްވި އެވެ.

ރައީސް އިތުރަށް ފާހަގަކުރެއްވި ގޮތުގައި ވިލިމާލޭގައި ޢިމާރާތް އެންމެ އުސްކޮށް އިމާރާތްކުރެވޭ މިންވަރު ބަދަލުކުރުމަށް އެމަނިކުފާނު މާލޭގެ މޭޔަރަކަށް ހުންނެވިއިރު ބޭނުންފުޅުވެ އެހެންނަމަވެސް އެކަން ނުކުރެވި ހުރީ އޭރު ސަރުކާރާއި މަޖިލީހުން އެއްބާރުލުން ނުލިބުމުން ކަމުގައެވެ. 

ވިލިމާލޭގައި 10 ބުރިއަށް ޢިމާރާތް ކުރެވޭ ގޮތް ހަދައިދިނުމަށް ރައްޔިތުން އެދޭ ކަމަށާއި، އެގޮތަށް ބަދަލު ގެނައުމަށް ކުރީ ސަރުކާރުގައި އެދިވަޑައިގެންނެވި ނަމަވެސް އެކަން ކުރީ ސަރުކާރުން ނުކުރީކަމަށް ރައީސް ވިދާޅުވި އެވެ.