އަބްދުއްރަހީމް މިހެން ވިދާޅުވެފައިވަނީ ޕީޕީއެމް/ޕީއެންސީން ގަލޮޅު ކަންމަތީގައި ރޭ ބޭއްވި ކެމްޕެއިން ޖަލްސާގަ އެވެ.
މި ޖަލްސާގައި އަބްދުއް ރަހީމް ވިދާޅުވެފައިވަނީ ވެރިކަމުގެ ހުވާ ކުރެއްވުމަށް ފަހުގައި މިއަދާ ހަމައަށް އެމަނިކުފާނު މަސައްކަތް ކުރައްވަނީ ވައުދުތައް ރަނުން ރަނަށް ފުއްދަވަން ކަމަށާއި އަދި އެގޮތުން މާލެ އަށް ދިމާވެފައިވާ އެންމެ ބޮޑު މައްސަލަ ކަމަށްވާ ބޯހިޔާވަހިކަމުގެ މައްސަލަ ހައްލު ކުރުމަށް ފުށިދިއްގަރުފަޅު ހިއްކަން 400 މިލިއަން ރުފިޔާ، ދައުލަތުގެ ބަޖެޓުގައި ހިމެނި ކަމަށެވެ.
މާލެއަކީ ތަރައްގީވެފައިވާ ތަނަކަށް ހަދަން ޖެހޭ ކަމަށާއި ހަސަދަވެރިކަމާއި ފިތުނަވެރިކަމަށް މާލޭގެ ރައްޔިތުންގެ ޖާގަ ދީގެން ނުވާނެ ކަމަށް ވެސް އަދުރޭ ވިދާޅުވި އެވެ.
އަދި މާލޭގެ ރައްޔިތުން ވާން ޖެހޭނީ ފުދުންތެރިކަމަށް އިސްކަން ދޭން ޖެހޭ ބަޔަކަށް ކަމުގައި އޭނާ ވިދާޅުވި އެވެ.
