އައިޖީއެމްއެޗުން ބުނީ އުމުރުން 30 އަހަރުގެ އެ ފިރިހެން މީހާ ނިޔާވީ މިއަދު ހެނދުނު 8:12 ހާއިރު ކަމަށެވެ. އޭނާ ނިޔާވެފައި ވަނީ އެ ހޮސްޕިޓަލުގެ ވެންޓިލޭޓަރުގައި ފަރުވާ ދެމުން ދަނިކޮށެވެ.

މި އެކްސިޑެންޓް ހިނގާފައި ވަނީ ހޮނިހިރު ދުވަހުގެ ރޭ 10:15 އެހާކަންހާއިރު ފުވައްމުލަކުގެ ބޮޑުފަންނަނު މަގުގައި ބާރު ސްޕީޑްގައި އޭނާ ސައިކަލު ދުއްވާފައި ދަނިކޮށް ކޮންޓްރޯލު ނުވެގެންނެވެ. ކޮންޓްރޯލް ގެއްލި ސައިކަލާއި ދުއްވަން އިން މީހާ ޖެހުނީ ފާރެއްގަ އެވެ.

މި އެކްސިޑެންޓްގެ މައްސަލަ ފުލުހުން މިހާރު ދަނީ ތަހުގީގު ކުރަމުންނެވެ.