މުއްތަލިބް މިފަދައިން ވިދާޅުވެފައިވަނީ ޕީއެސްއެމް ނިއުސްގެ ރާއްޖެ މިއަދު ޕްރޮގްރާމްގައި ވާހަކަދައްކަވަމުންނެވެ.
މުއްތަލިބް ވިދާޅުވެފައިވަނީ މި މަަސައްކަތަކީ މަހުގެ ކޮލިޓީ ހިފަހައްޓައި މަސްވެރިން ބާނާ މަހަށް ރަނގަޅު އަގެއް ހޯދައިދިނުމުގެ ގޮތުން ކުރަމުންދާ މަސައްކަތެއްގެ އިތުރުން މަސައްކަތް ކުރަމުންދަނީ މި މަސައްކަތް ކުރިއަށް އޮތް ހަތް މަސް ދުވަހުގެތެރޭގައި ނިންމާލުމަށްކަމަށެވެ.
ޖުމްލަ ނުވަރަށެއްގައި އައިސްޕްލާން ގާއިމް ކުރަން ހަމަޖެހިފައިވާއިރު އެ ރަށްތަކަކީ:
- ހއ. ދިއްދޫ
- އއ. ރަސްދޫ
- ލ. މާމެންދޫ
- ދ. މީދޫ
- ގދ. ރަތަފަންދޫ
- ޅ. ނައިފަރު
- މ. ވޭވައް
- ގދ. ފިޔޯރީ
- ލ. މާވަށް
މީގެ އިތުރުން ދޯނުފަހަރުގައި އާރުއެސްޑަބްލިއު ސިސްޓަމް ހަރުކުރުމަށް ފުރުސަތު ހުޅުވާލާނެކަމަށް ވެސް މުއްތަލިބް ވަނީ ވިދާޅުވެފައެވެ.
މީގެ ކުރިން ވަނީ މަސްކިރުމުން ފައިސާބަރާބަރަށް ލިބޭނެ ދާއިމީއިންތިޒާމެއް ހަމަޖައްސައިދޭނެ ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެފަ އެވެ. އެގޮތުން މަސްވެރިންނަށް ނުދެވި ސަރުކާރުން ދަރާފައިވާ ފައިސާގެ ތެރެއިން 136 މިލިއަށް ވުރެ ގިނަ ރުފިޔާ ޖަމާކޮށްދީފައިވެ އެވެ.