މިހާތަނަށް ހާމަކޮށްފައިވާ ނަތީއްޖާތަކަށް ބަލާއިރު ކުރީގެ މެމްބަރުކަން ކުރައްވާފައިވާ 9 މެމްބަރަކު މިއަދު ޓިކެޓް ކަށަވަރުކޮށްފައިވެއެވެ.
މިއަދު ޕްރައިމަރީ ކާމިޔާބު ކުރެެއްވި މެމްބަރުން:
- ދިއްގަރު ދާއިރާގެ ކުރީގެ މެމްބަރު އަދި ރައްޔިތުންގެ މަޖިލިހުގެ ކުރީގެ ނައިބު ރައީސް އަހުމަދު ނާޒިމް
- އިނގުރައިދޫ ދާއިރާއަށް އެ ދާއިރާ ކުރީގެ މެމްބަރު އިބްރާޙިމް ފަލާހް
- ވިލިމާލެ ދާއިރާއަށް ކުރީގެ ހޯރަފުށި ދާއިރާގެ ކުރީގެ މެންބަރު މުހައްމަދު އިސްމާއިލް
- ތިނަދޫ އުތުރު ދާއިރާއަށް އެ ދާއިރާގެ ކުރީގެ މެންބަރު ސައުދުﷲ ހިލްމީ
- މިލަންދޫ ދާއިރާއަށް އެ ދާއިރާގެ ކުރީގެ މެންބަރު ހަސަން މުފީދު
- ދިއްދޫ ދާއިރާއަށް އެ ދާއިރާގެ ކުރީގެ މެންބަރު އަބްދުއްލަތީފް މުހައްމަދު
- މާފަންނު ދެކުނު ދާއިރާއަށް ކުރީގެ މެންބަރު އަބްދުﷲ ރިފާއު (ބޮޗޭ)
- މާފަންނު މެދު ދާއިރާއަށް އެ ދާއިރާގެ ކުރީގެ މެންބަރު އަސްމާ ރަޝީދު
ޕީޕީއެމް/ޕީއެންސީން މިއަދު ކުރިއަށް ގެންދިޔަ އިންތިހާބުގައި 73 ދާއިރާއެއްގެ ވޯޓުލުން މިއަދު ކުރިއަށްގެންދިޔައެވެ. އެކި ދާއިރާތަކުން 283 ކެންޑިޑޭޓުން ވާދަކުރާ ކަމަށް އެ ކޯލިޝަނުން ބުނެއެވެ. ވޯޓުލުން ކުރިއަށް ގެންދާނީ ހެނދުނު 10:00 އިން ހަވީރު 5:00 އަށެވެ.