ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަ ދައްކަމުން ވަޖީހު ވިދާޅުވީ މި ހިނގާ މި އަހަރު ނިމޭ އިރު އެމްޕީއެލްއަށް ބޭނުންވާ ވަސީލަތްތަކުގެ ދަތިކަން ހައްލުވެގެންދާނެކަމަށާއި މިއަހަރުތެރޭގައި ބޭނުންވާ އިކުއިޕްމަންޓްސް، ވެސެލްސްގެ އިތުރުން މުވައްޒަފުންގެ މަސައްކަތަށް ބޭނުންވާ ޓޫލްސްތައް ވެސް ފޯރުކޮށްދޭނެކަމަށެވެ.
މީގެ އިތުރުން އެމްޕީއެލްއަށް ދިމާވާ ޖާގައިގެ މައްސަލަ އަކީ އަބަދު ވެސް ދެކެވޭ ވާހަކައެއް ކަމަށާއި މިހާރު ވަނީ އެ މައްސަލަ ހައްލު ހޯދަން ފަށާފައި ކަމަށާއި މާލޭ ކޮމާޝަލް ހާބަރުގެ އާންމު ކެޕޭސިޓީ އަކީ 2500 ޓީޔޫސް ކަމަށް އޭނާ ވިދާޅުވި އެވެ. ވަޖީހު އިތުރަށް ވިދާޅުވީ އެއީ ރާއްޖޭގެ ނިސްބަތުން ބަލާއިރު ވަރަށް މަދު އަދަދެއް ކަމަށާއި ނަމަވެސް ޕޯޓްސްއަށް ބަލާއިރު އެއީ ގިނަ އަދަދެއް ކަމަށެވެ. ނަމަވެސް މިހާރު ކޮމާޝަލް ހާބަރުގެ ޓީޔޫސް 3000 އަށް ދެ މަސް ދުވަހުގެ ތެރޭގައި ބަދަލުކުރެވިފައިވާ ކަމަށް ވަޖީހު ވިދާޅުވިއެވެ.
އެއާއެކު ޖުމްލަ 3500 ޓީޔޫސް އަށް މާލެ ކޮމާޝަލް ހާބަރު އިތުރުވެގެންދާނެކަމަށާއި މިކަމުގެ ސަބަބުން އެތާނގެ އެތެރޭގައި ހުރި އޮޕަރޭޝަންސްތަކަށް ވަރަށް ބޮޑެތި ހައްލު ލިބިގެންދާނޭކަމަށް ވަޖީހު ވިދާޅުވިއެވެ.
