ހައްޖު ކޯޕަރޭޝަނުން ބުނީ ހައްޖުގެ ޖާގަ ކަށަވަރު ކުރުމަށް ކަމަށް ބުނެ އޮޅުވާލައިގެން އެ ކޯޕަރޭޝަންގެ ނަމުގައި ފައިސާ ޖަމާ ކުރަން އެދެމުންދާ ކަމަށެވެ. އަދި ފައިސާ ޖަމާކުރުމަށް އެދެމުން ދަނީ އާންމު ފަރުދުންގެ އެކައުންޓްތަކަށް ކަމަށް ވެސް އެ ކޯޕަރޭޝަނުން ބުނެ އެވެ.
ހައްޖު ކޯޕަރޭޝަންގެ ހިދުމަތްތަކަށް ފައިސާދައްކަން ޖެހޭނީ ހަމައެކަނި 'މޯލްޑިވްސް ޙައްޖު ކޯޕަރޭޝަން ލިމިޓެޑް'ގެ ނަމުގައިވާ ބޭންކު އެކައުންޓުތަކަށް ކަމަށް އެ ކޯޕަރޭޝަނުން ބުނެފައިވެ އެވެ.
އެހެންކަމުން އެފަދަ ކޯލްތަކަށް ސަމާލުވުމަށް މޯލްޑިވްސް ހައްޖު ކޯޕަރޭޝަނުން ވަނީ އެދިފަ އެވެ.
މަކަރާއި ހީލަތުން ފައިސާ ހޯދުމަށް ބީއެމްއެލްގެ ނަމުގައި އޯޓީޕީ ހޯދުމާއި، ފްލެޓް ލިބިގެން ކަމަށް ބުނެ ފައިސާ ހޯދުން ފަދަ ކަންކަމަށް ކުރަމުންދާ ކޯލްތައް ރާއްޖޭގައި މިހާރު ވަނީ އާންމުވެފަ އެވެ. އެފަދަ ކަންކަމަށް ސަމާލުވުމަށާއި، އެއްވެސް ފަރާތަކަށް އޯޓީޕީ ހިއްސާ ނުކުރުމަށް ކަމާބެހޭ އިދާރާތަކުން ދަނީ އިލްތިމާސް ކުރަމުންނެވެ.
