ރައީސް ޑރ. މުއިއްޒު ހަނިމާދޫއަށް ކުރެއްވި ދަތުރުފުޅުގައި އެރަށުގެ ރައްޔިތުންނާ ބައްދަލުކުރައްވަން ބޭއްވެވި ބައްދަލުވުމުގައި ވާހަކަ ދައްކަވަމުން މިނިސްޓަރު ވިދާޅުވީ، މިސަރުކާރުން ވެރިކަމާ ހަވާލުވި އިރު މަސްވެރިންނަށް އައިސް ލިބުމުގެ ދަތިތަކާއި ސްޓޯރޭޖް އިތުރުކުރުމުގެ މަޝްރޫއުތައް ވެސް އޮތީ ހުއްޓިފައި ކަމަށެވެ.
ނަމަވެސް މި ސަރުކާރުން އެފަދަ މައްސަލަތައް ހައްލުކުރުމަށްޓަކައި ގިނަ މަޝްރޫއުތަކެއް މިހާރު ބާތިލުކޮށްފައިވާ ކަމަށް މިނިސްޓަރު ވިދާޅުވި އެވެ. އެގޮތުން ހުއްޓާލަމުންދަނީ ރައީސްގެ ތަސައްވަރު ހާސިލް ކުރުމަށް ދަތިވާނެ ފަދަ މަޝްރޫއުތައް ކަމަށް މިނިސްޓަރު ފާހަގަކުރެއްވި އެވެ.
މިނިސްޓަރު ވިދާޅުވީ އެ ސަބަބާހުރެ ހުއްޓާލަންޖެހުނު މަޝްރޫއުތަކުގެ މަސައްކަތް ވެސް އަލުން އަވަހަށް ފެށޭނެ ގޮތަކަށް ހަވާލުކުރުމުގެ މަސައްކަތް ކުރައްވަމުންދާ ކަމަށެވެ.
މީގެއިތުރުން މަސްވެރިކަމުގެ ސިނާއަތަށް ދިމާވެފައިވާ ދަތިތަށް ހައްލުކޮށްދެއްވާނެ ކަމުގެ ޔަގީންކަން ރައީސް ޑރ. މުއިއްޒު ދެއްވާފައިވާ ކަމަށް މިނިސްޓަރު ފާހަގަކުރެއްި އެވެ. އަދި މަސްވެރި އާއިލާތަކަށް ރައީސް ދެއްވި އެ ޔަގީންކަމާއެކު އެކަންކަން ހާސިލް ކުރުމަށް ވެރިކަމުގެ ފުރަތަމަ ދުވަހުން ފެށިގެން ވެސް މަސައްކަތް ކުރައްވަމުދާ ކަމަށް މިނިސްޓަރު ވަނީ ވިދާޅުވެފަ އެވެ.