މިފަހަރުގެ ރޯދަމަހަށް މުދާ އުފުލުމަށާއި މުދާ އުފުލުން މަނާ ގަޑިތައް ކަނޑައަޅާފައިވަނީ ރޯދަމަހުގެ ފުރަތަމަ ވިއްސާއި ފަހު ދިހައަކަށް ގަޑި ތަފާތުވާ ގޮތަށެވެ. 

މިނިސްޓްރީން ކަނޑައަޅާފައިވާ ގަޑިތަކަށް ބަލާއިރު ރޯދަމަސް ފެށިގެން 6 ރޯދަ ނިމެންދެން އެއްވެސް ބާވަތެއް ވިޔަފާރި މުދާ ހަވީރު 16:30 ފެށިގެން 20:00އަށް އުފުލުމަކީ މަނާކަމަކެވެ. 

ރޯދަމަހުގެ ފުރަތަމަ 19 ދުވަހު / 6 ރޯދައިގެ ތެރޭގައި 

މަނާ ގަޑިތައް: 

• ހެނދުނު 06:30 -09:30 އަށް ، ހަވީރު 16:30 - ރޭގަނޑު 20:00 އަށް

ރޯދަމަހު ފަހު ދިހައެއްގައި

މަނާ ގަޑިތައް: 

• ހަވީރު 16:30 - ރޭގަނޑު 20:00 އަށް

ޓްރާންސްޕޯޓް މިނިސްޓްރީން ބުނީ މި ނިންމުމާއި ހިލާފުވާނަމަ އެ އުޅަނދެއް -/750 ރުފިޔާއިން ޖޫރިމަނާކުރާނެކަމަށެވެ. 

ރޯދަމަހުގެ ރޭތަކާއި، ޝައްވާލްމަހުގެ ފުރަތަމަ 7 ދުވަހުގެ ރޭތަކުގައި ކާބޯތަކެތީގެ ހިދުމަތްދޭ ތަންތަން ހުޅުވާފައި ބެހެއްޓޭނެ ގަޑިތައް އިކޮނޮމިކް މިނިސްޓްރީން އިއްޔެ ވަނީ އާއްމުކޮށްފައެވެ. 

އެ މިނިސްޓްރީން ބުނީ، ރޯދަމަހުގެ ރޭތަކުގައި ކާބޯތަކެތީގެ ހިދުމަތްދޭ ތަންތަން ހުޅުވާފައި ބަހައްޓަންވާނީ ހަވީރު 5:30 އިން މެންދަމު 3:00 އާ ދެމެދު ކަމަށެވެ. އަދި، ޝައްވާލްމަހުގެ ފުރަތަމަ 7 ދުވަހު ކާބޯތަކެތީގެ ހިދުމަތްދޭ ތަންތަން ހުޅުވާފައި ބަހައްޓަންވާނީ އެދުވަހެއްގެ ފަތިހު 4:30 އިން މެންދަމު 3:00 އާ ދެމެދުކަމަށް މިނިސްޓްރީން ވަނީ ކަނޑައަޅާފަ އެވެ.