ކޮންޓްރޯލަރ ޖެނެރަލް އޮފް އިމިގްރޭޝަން މުހައްމަދު ޝަމްއާން ވަހީދު ވިދާޅުވީ ގަވައިދާ ހިލާފަށް އުޅޭ ބިދޭސީން ހޯދުމަށް އިމިގްރޭޝަނުން 22 އޮޕަރޭޝަން ހިންގާފައިވާކަމަށެވެ. އަދި އޭގެއިތުރުން ފުލުހުންގެ އިންޓެލިޖެންސާ ގުޅިގެން 15 އޮޕަރޭޝަނެއް ހިންގާފައިވާކަމަށްވެސް ކޮންޓްރޯލަރ ޝައްމާން ވިދާޅުވިއެވެ. 

މި އޮޕަރޭޝަންތަކުގައި ގަވައިދާ ހިލާފަށް އުޅޭ 49 މީހަކު އަތުލައިގެންފައިވާއިރު އޭގެތެރޭގައި 3 އަންހެނުން ހިމެނޭކަމަށްވެސް ޝަމްއާން ވަހީދު ވިދާޅުވިއެވެ. އަދި މި ސަރުކާރު އައި ފަހުން މިހާތަނަށް 817 މީހުން ފޮނުވާލާފައިވާކަމަށްވެސް އޭނާ ވިދާޅުވިއެވެ. 

މިހާތަނަށް ރާއްޖެއިން ބޭރުކުރި ބިދޭސީންގެ އަދަދު 

• 290 މީހުން (ޑީޕޯޓްކުރި)
• 527 މީހުން ( ރީ އިންޓަގްރޭޓް ނުވަތަ ޤަވައިދަށް ފައްތާފައި ފޮނުވާލި)

ބިދޭސީން ބައި ތިއްބާ ޑިޓެންޝަން ސެންޓަރުގައި 122 މީހުން ތިބިކަމަށްވެސް އިމިގްރޭޝަނުން ބުނެއެވެ. އޭގެތެރޭގައި ހިމެނެނީ ބަންގްލަދޭޝްގެ 103 މީހަކާއި އިންޑިއާގެ 4 މީހަކާއި ސްރީލަންކާގެ 4 މީހެއްގެ އިތުރުން ނޭޕާލްގެ 3 މީހުންނެވެ.