އިންޑިއަން ވެލްސްގެ ކުއާޓާ ފައިނަލު މި މެޗުގެ ކުޅުން މެދު ކަނޑާލަން ޖެހުނީ އަލްކަރާޒްގެ ނިތްކުރިއަށް ކުޅަނދުރެއް ކަށި ޖެހި ހިސާބުންނެވެ. މި މެޗު، ކުޅަނދުރުގެ އުނގަލާ ހެދި އެއް ގަޑިއިރާއި 40 މިނެޓަށް ލަސްވިއެވެ. މެޗުން މޮޅުވީ ޑިފެންޑިން ޗެމްޕިއަން އަލްކަރާޒްއެވެ.

މެޗަށް ފަހު އަލްކަރާޒް ބުނީ އޭނާގެ ކެރިއަރުގައި މި ކަހަލަ މެޗެއް ނުކުޅޭ ކަމަށެވެ.

"ޔަގީނުން ވެސް އަހަރެންގެ ކެރިއަރުގައި ކުޅުނު އެންމެ އާދަޔާ ހިލާފު މެޗު، ވަށައިގެން ބައެއް ކުޅަނދުރު ފެނުނު ނަމަވެސް ހީކުރީ އެއީ މަދު މަދިރިތަކެއް ކަމަށް. އެކަމަކު އުޑުމަތި ފެނުނު އިރު އެތައް ހާސް ކުޅަނދުރެއް އުދުހިފައި އައީ"

ފޮޓޯތަކުން ފެންނަގޮތުގައި ކުޅަނދުރު ހަތައެއް އިނީ، މެޗުގެ ވީޑިއޯ ކުރުމަށް ހަރުކޮށްފައި އިން ކެމެރާއެއްގައެވެ. ފަހުން ކޮންމެވެސް ސަބަބަކާ ހުރެ އެ ހަތާގައި ތިބި ކުޅަނދުރުތައް ނުކުމެ އުދުއްސައިގަތީއެވެ.