އެމްޑީޕީގެ ސޯޝަލް މީޑިއާ އެކްޓިވިސްޓެއްގެ ގޮތުގައި އުޅުނު ތޮއްޔިބް ސްޓެެލްކޯގެ ބިއުރޯގެ ސަރވިސް ސްޕަވައިޒަރ ކަމުގެ މަޤާމަށް އައްޔަންކުރީ މިދިޔަ ޖެނުއަރީ 29 ގައެވެ.
މިދިޔަ ސަރުކާރުގައި ޓޫރިޒަމް މިނިސްޓްރީގެ އެގްޒެކެޓިވް ޑިރެކްޓަރުކަމުގެ މަގާމުވެސް އަދާކުރި ތޮއްޔިބް އޭނާގެ އެކްސަގައި ރައީސް މުއިއްޒަށް އެޑްރެސްކޮށް ލިޔެފައިވާ ލިޔުމެއްގައި ބުނެފައިވަނީ އެއްވެސް ނަސޭހަތެއް އިންޒާރެއް ދިނުމެއް ނެތި އޭނާ ސްޓެލްކޯއިން ވަކިކޮށްފައިވާކަން އަންގާ ޗިޓް ހަވާލުކޮށްފައިވާކަމަށެވެ.
ތޮއްޔިބް ރައީސް މުއިއްޒަށް އެޑްރެސްކޮށް ކޮށްފައިވާ ޕޯސްޓްގައި އޭނާގެ މަގާމު އަލުން އިއާދަކޮށްދިނުމަށް ވަނީ އެދިފައެވެ.
1 މަހާއި 4 ދުވަސްފަހުން ވަޒީފާއިން ވަކިކުރި ޗިޓް ހަވާލުކުރިއިރު ކުންފުންޏާ އެކު ހެދި ވަޒީފާގެ އެއްބަސްވުންވެސް ލިބިފައި ނުވާކަމަށްވެސް ތޮއްޔިބް ބުނެއެވެ. އަދި ކުންފުނީގެ މި ނިންމުމާއި މެދު އިންސާފު ހޯދަން މަސައްކަތް ކުރާތާ 16 ދުވަސް ވެއްޖެކަމަށްވެސް ތޮއްޔިބު ވަނީ ބުނެފައެވެ.
މި ސަރުކާރު ވެރިކަމަށް އައުމަށްފަގު އެމްޑީޕީގެ ސޯޝަލް އެކްޓިވްސްޓުންގެ ގޮތުގައި އުޅުނު ބައެއް މީހުންނަށް އަންނަނީ ސަރުކާރުން ވަޒީފާ ދެމުންނެވެ. މިގޮތުން ބައެއް މީހުންނަށް އެމްބަސީތަކުން ވަޒީފާ ވަނީ ހަމަޖައްސައިދީފައެވެ.