އަމިއްލަ ފަރާތަކުން، ހަސަން ޝިޔާމް އަދި އިލެކްޝަންސް ކޮމިޝަނަނަށް ރައްދުވާ ގޮތަށް ހުށަހަޅާފައިމިވާ މައްސަލައިގެ އަޑު އެހުމެއް މާދަމާ ކުރިއަށް ގެންދިޔުމަށްވަނީ ސުޕްރީމް ކޯޓުގައިވަނީ ތާވަލުކޮށްފައެވެ. 

މާދަމާ ހެނދުނު 10:30 އަށް ތާވަލުކޮށްފައިމިވާ މައްސަލަ ބައްލަވާނީ ފަނޑިޔާރު ޑރ. މުހައްމަދު އިބްރާހީމް، ފަނޑިޔާރު އާއިޝާ ޝުޖޫން މުހައްމަދު އަދި ފަނޑިޔާރު ހުސްނުއްސުއޫދު ހިމެނޭ ބެންޗަކުންނެވެ. މި މައްސަލައިގެ ތަފްސީލެއް ލިބިފައި ނެތްނަމަވެސް އެނގިފައިވާ ގޮތުގައި މިއީ ސާބިތު ދަރަންޏާ ގުޅޭ މައްސަލައެކެވެ.

ރައްޔިތުންގެ މަޖިލީހުގެ އިންތިހާބުގައި 2019 ވަނަ އަހަރުވެސް ހަސަން ޝިޔާމް ވާދަކުރިއެވެ. އެ ފަހަރު، އިލެކްޝަންސް ކޮމިޝަނުން ހަސަން ޝިޔާމްގެ ކެންޑިޑޭސީ ބަލައި ނުގަތުމުން ހަސަން ޝިޔާމްގެ ފަރާތުން އެ މައްސަލަ ސުޕްރީމް ކޯޓަށް ހުށަހެޅިއެވެ. 

އޭރު އޮތް ސުޕްރީމް ކޯޓުން އެ މައްސަލައިގައި ނިންމީ ހަސަން ޝިޔާމްގެ ކެންޑީޑޭސީ ބަލައިގަތުމަށެވެ. އޭރު އެ މައްސަލަ ބެއްލެވީ އޭރުގެ އުއްތަމަ ފަނޑިޔާރު ޑރ. އަބްދުﷲ ދީދީ، އަބްދުﷲ އަރީފް، އާދަމް މުހައްމަދު، އަބްދުﷲ ދީދީ އަދި އަބްދުލްގަނީ މުހައްމަދެވެ.