ސަރުކާރުގެ ފުރަތަމަ 100 ދުވަހުގެ ލެޖިސްލޭޓިވް އެޖެންޑާގައި ހިމަނައިގެން ރައްޔިތުންގެ މަޖިލީހަށް ފޮނުވި ފުރަތަމަ ބިލް "ސޮވަރިން ޑިވެލޮޕްމަންޓު ފަންޑާ ގުޅޭ ބިލް" އިއްޔެ ވަނީ މަޖިލީހުން ބޭރުކޮށްލާފައެވެ.
މި ބިލް ވޯޓަށް އެހިއިރު ތަޅުމުގައި ތިބީ 28 މެމްބަރުންނެވެ. އޭގެތެރޭގައި ސަރުކާރަށް ނިސްބަތްވާ އެއްވެސް މެމްބަރަކު ނެތެވެ. ވޯޓަށް އެހުމުން ވޯޓްގައި ބައިވެރިވީ ކެލާ ދާއިރާގެ މެމްބަރު އިބްރާހިމް ޝަރީފާއި މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) އެވެ. ބޮންޑާ ވޯޓް ދެއްވީ ބިލް ބަލައިގަތުމަށެވެ، ޝަރީފު ވޯޓް ދެއްވީ ބިލް ބަލައިނުގަތުމަށެވެ.
ނަތީޖާ އެއްވަރުވުމާއި ގުޅިގެން ރިޔާސަތުގައި އިންނެވި މަޖިލީހުގެ ނައިބު ރައީސް އަހްމަދު ސަލީމް ވޯޓު ދެއްވީ އެ ބިލު މަޖިލީހަށް ބަލައިނުގަތުމަށެވެ.
ރައްޔިތުންގެ މަޖިލީހުގެ އިންތިހާބުގައި ސަރުކާރު ކޯލިޝަނުގެ ފަރާތުން ހޮޅުދޫ ދާއިރާއަށް ވާދަކުރައްވާ ކެންޑިޑޭޓު އަބްދުއްސައްތާރު މުހައްމަދުގެ ކެމްޕޭނު ޖަގަހަ ހުޅުވުމަށް ރޭ ބޭއްވި ޖަލްސާގައި ރައީސް މުއިއްޒުވަނީ މަޖލީހުގެ ނިންމުމަށް އިދިކޮޅަށް ފާޑުކިޔާފައެވެ.
ރައީސް ވިދާޅުވީ ސޮވެރިން ޑިވެލޮޕްމެންޓު ފަންޑަށް ހާއްސަ ގާނޫނެއް ފާސްކުރަން ބޭނުންވީ ރާއްޖޭގެ އިގްތިސާދު ރަނގަޅު މަގަށް ގެންދިޔުމަށް އެކަން ކޮންމެހެން ކުރަން ޖެހޭތީ ކަމަށެވެ. އެހެންމަމަވެސް އެކަމަށް ބިލެއް ހަދާ މަޖިލީހަށް ފޮނުވާލުމުން ބޭރުކޮށްލީ އެއްވެސް ސަބަބެއް ނެތިކަމަށެވެ.
އިއްޔެ މަޖިލީހުގައި ސޮވެރިން ޑިވެލޮޕްމެންޓު ފަންޑަށް ވޯޓަށް އެހުމަށްފަހު މަޖިލީހުގެ ރިޔާސަތުގައި އިންނެވި ނައިބު ރައީސް އަހަމްަދު ސަލީމް ވިދާޅުވީ ރައްޔިތުން މަޖލީޙުގެ ތާރީހުގައިވެސް މިފދަ ވޯޓެއް މިގޮތަށް ނެގިކަން އެނގިވަޑައި ނުގަންނަވާކަމަށެވެ.